Mateu 16:11 - ICIGHAN BIBILO

¹¹ Ka kwagh u bredi M er ne ga, man er nan ne kav ga nahana? Kpa kura nen ayol sha kwa u Mbafarishi man Mbasadushi.

Mateu 16:11 Iomraidhean Croise

Mateu 16:1

Tsô Mbafarishi man Mbasadushi va her a Na, lu va karen Un, ve pine Un er ma A tese ve ivande i Sha.

Mateu 16:12

Nahan ve kav er i kera lu kwa u bredi man A lu kaan a ve er ve kura ayol sha min ga yô, kpa lu sha ityesen i Mbafarishi man Mbasadushi la.

Mateu 16:6

Yesu kaa a ve er: Ver nen ishima, kura nen ayol sha kwa u Mbafarishi man Mbasadushi.

Mateu 3:7

Tsô er a nenge a Mbafarishi kua Mbasadushi kpishi lu van hen batisema ne yô, a kaa a ve er: Ne ônov mba igbindev mban, ka an man nan we ne kwagh er né yevese iyugh i i lu van la ase?

Marku 4:40

Tsô A kaa a ve er: Ka nyi ne cie yum nahana? Er nan man ne lu a jighjigh u nan ga nahana?

Marku 8:15

A wa ve kwagh er: Ver nen ishima, kuran nen ayol a en sha kwa u Mbafarishi kua kwa u Herode la.

Marku 8:21

Nahan kpaa ne mba a kav gaa?

Luka 12:1

Tsô hen shighe la er ior kohol udubu imôngo je, lu ndyaren ayol a ve yô, A gba kaan a mbahenen Nav er: Kura nen ayol a en sha kwagh u kwa u Mbafarishi, ka imanger je la.

Luka 12:56

Ne mbaimangerev, ne fa u tôvon sha anzaakaa a shin tar man a sha kwavaôndo, kpa er nan man ne kera fe u tôvon kwagh u shighe ne ga?

YOHANE 8:43

Ka nyi ne kaven kwagh u M lu ôron a ven ne ga? Ka sha ci u ne fatyô u ungwan kwaghôron Wam ga yô.