Mateu 15:9 - ICIGHAN BIBILO

⁹ Nahan ka gbilin tsô ve civir Mo, sha ci u ityesen i ve tesen la ka atindi a ior tsô.

Mateu 15:9 Iomraidhean Croise

Upasalmi 39:6

Mimi je, hanma or nan gbe zenden er jijingi nahan tsô; mimi je, mba gbe kumbur sha, gbilin tsô; nan kohol inyaregh, kpa nan fa u nan lu yan ki ga.

Upasalmi 73:13

Mimi je, m gbe wanger ishima yam, man m nyian ishô iyol gbilin tsô.

Ekesodu 20:7

De teren iti i TER Aôndo wou dang ga; gadia or u nan teren iti i TER dang dang yô, Una na nan ishô mayange ga.

Yesaia 29:13

Ter kaa er: Er ior ne ve kporom her a Mo sha zwa ve, man ve civir Mo sha ityumbujôôgh ve, kpa asema a ve gema gba ca a mo man mciem ma ve lu cian Mo kpaa ka tindi u ior u i tese ve a tese tsô,

Levitiku 26:16

Mo Me er a ven, Me ta ne mciem iyol, houghbar una kôr u kua angev mbu tseeyol; mbua hungwa u ashe ikôr, mbua na asema a en aa ure; né lôôn ivor yen, kpa á lu gbilin tsô, gadia ka mbaihomov enev vea va ya i ye.

Levitiku 26:20

né vihin agee a en gbilin; gadia inya yen ia doon iyiagh ga, ikon i hen tar la kpaa, ia umen atam a i ga.

Malaki 3:14

Ne kaa ner: U civir Aôndo ka gbilinkwagh; man ka nyi mtser je i lu, er se we atindi a Na iko man se zenden sha ishigh ki TER u akum a Sha a ijungwene?

Mateu 15:10

Tsô a yila ikpelaior her a Na A kaa a ve er: Ver nen ato her a Mo man shi kav nen kpaa.

Marku 7:7

nahan ka gbilin tsô, ve gur ve civir Mo ye, sha ci u ityesen i ve tesen la, ka atindi a ior tsô.

1 Mbakorinte 15:2

Ka sha u kpaa i lu yiman ne ye, aluer ne kôr ave sha mi gbang er m lu pasen ne kwaghôron la nahan, saa di nea na jighjigh gbilin tsô.

Duteronomi 12:32

Hanma kwagh u m kaa ne cii, ka un ver nen ishima sha mi, eren nen ye; de seer nen ma kwaghgen sha mi ga, shi de panden kwagh ker kpaa ga.

1 Timoteu 1:4

shi ve de̱ veren ishima sha ukwaghhir man icombor i ôron i lun a mkur ga la ze. Akaa ne ka a na anyiman a gbilinigh tsô, i kera lu ityesen i Aôndo i sha jighjigh u nan la ga.

Titu 1:14

man ve̱ de veren ishima sha ukwaghhir mba Mbayuda ga shin sha atindi a ior mba ve undu mimi la kpaa ga.

Mbaheberu 13:9

I̱ de kera daase a ven sha atesen a he anza kposo kposo ga, gadia u taver ishima sha mrumun u sha mhôôn yô, hemba doon a akaa a yan a ya a, mba ve za sha mi la, ve kera zua a iwasen sha mi ga.

Yakobu 2:20

We orlanenkwagh ne, sar u ka fan er jighjigh u nan u lun a aeren ga la a lu kpenegh kpa?

Mpase U Yohane 22:18

Hanma or u nan ongo kwaghôron u profeti u ken ruamabera ne yô, m ngu eren nan shiada je mer: Aluer or nana seer kwagh sha mi yô, Aôndo Una seer nan atsan a i nger a ken ruamabera ne.

1 Samuel 25:21

Yô, Davidi vande kaa er: Mimi je, lu m nyoon iyol gbilin m kura akaa a or ne a lu a mi ken desereti cii, je ma kwagh na môm saa un ga, kpa a gema a er a mo dang sha erdoo wam a na la.