Mateu 15:29 - ICIGHAN BIBILO

²⁹ Tsô Yesu mough keela, gba teran hen zegemnger u Galilia; za unde sha uwo, A tema sha her.

Mateu 15:29 Iomraidhean Croise

Yesaia 9:1

Ime kera ngi sha ci u un u a lu ken ican la ga. Sha ayange a ngise la A gema tar u Sebulon kua u Nafetali, hingir kwagh u iheenegh; kpa sha ayange a masetyô yô, Una civir ian i yemen shin zegemnger, yande Yordan, veghertar u akuraior la.

Mateu 13:2

Ikpelaior kpishi kohol her a Na; nahan A nyôr A tema shin tsô. Ikpelaior cii yô, gema tile sha kpe.

Mateu 4:18

Ngur teran hen kpe u zegemnger u Galilia yô, A nenge a anngôôv uhar, lu Shimon u i yilan er, Peteru la, man shi anngô na Anderia, ve lu haan ukper shi zegemnger, gadia ve lu mbakôron ishu.

Mateu 5:1

Tsô nengen a ikpelaior yô, A unde sha uwo; tem sha her yô, mbahenen Nav va her a Na.

Marku 1:16

Ngur zenden hen kpe u zegemnger u Galilia yô, A nenge a Shimon man anngô na Anderia; ve lu haan kper shin zegemnger; gadia ve lu mbakôronishu.

Luka 5:1

Tsô er ikpelaior lu imbishi Un, lu ungwan kwaghôron u Aôndo yô, a tile shin kpe u ber u Genesareti.

YOHANE 21:1

Ken masejime u akaa ne Yesu shi pase iyol Na hen mbahenen Nav hen zegemnger u Tiberia. Gbenda u A pase iyol Na yô, lu nahan:

YOHANE 6:1

Ken masejime u akaa ne yô, Yesu per zegemnger u Galilia, per yande la, ka zegemnger u Tiberia je la.

YOHANE 6:23

Kpa utso mbagenev za va ken Tiberia ikua ikua a ijiir i ve ya bredi er Ter vande sughun Aôndo kera la.

Yosua 12:3

Man sha Araba kpaa zan zan ar hen zegemnger u Kinereti vegher u sha ityoughkitaregh la, zan zan ar hen zegemnger u Araba, ka Zegemnger u Bar je la, vegher u sha ityoughkitaregh, sha ian i Bete-yeshimoti man sha vegher u ken imbusutariyan, shin soughsough u Pisega;