Mateu 15:22 - ICIGHAN BIBILO

²² Tsô kwase ugen u ken Kanaan u a lu ken iningirtar la, a genger imo, a kaa er: Zungwem mhôônom Tere, We Wan u Davidi, jijingi u bo ngu eren wan wam u kwase ican tsung.

Mateu 15:22 Iomraidhean Croise

Upasalmi 4:1

Zum u me yila yô, ungwa imo yam, Aôndo u perapera wam; U verem ken ijiir i gbanger, shighe u m lu ken mzeyol yô; zungwem mhôônom, ungwa msen wam.

Upasalmi 45:12

We wankwase u Tiru ne, ashagbaior va a iwua, vea ker sha u ma i doo u a ve yô.

Upasalmi 6:2

Zungwem mhôônom TERE, gadia mo m ure cii; beem angev TERE, gadia kondo akuhe am iyol.

Esekiel 3:6

ka hen akuraior kpishi a zwa ve u lu kposo ga shi u cimin kpaa ga yô, er u fatyô u kaven akaaôron a ve ga ze. Mimi je, Mea tindi u her a ve yô, ma ve ver ato her a we.

Mateu 1:1

Takerada u tsombor u Yesu Kristu Wan u Davidi, wan u Aberaham la.

Mateu 15:23

Kpa A bugh un zwa sha ma kwagh môm ga. Mbahenen Nav va, va zamber a Na er: Shi na un gbenda, gadia ngu vaan, van a vese ityô.

Mateu 17:15

Tere, zungwe wan wam mhôônom, gadia gbe ikungu, ngu dedoo ga tsung je, sha ci u ka a gba shin usu acin imôngo je kua shin mnger kpaa.

Mateu 4:24

Gwa Na samber ken tar u Shiria cii, tsô ve va Un a mba ve lu dedoo ga la cii, lu mba angev atô kposo kposo man mnyoonom kôr ve yô, mbalun a ujijingi mba bov man mbagbanikungu man mbakpenalegh; A bee ve mbu cii.

Mateu 9:27

Tsô Yesu moughon heera kera yô, mbaapirashe uhar va dondo sha a Na, lu genger amo, kaan er: Zungwe se mhôônom, Wan u Davidi!

Luka 17:13

Ve genger imo ve kaa er: Yesu, Tere, zungwe se mhôônom!

Luka 18:13

Kpa orngoholkpandegh la yô, tile ken ica je, rumun u kenden ashe sha tsô kpaa ga, kpa a ta uwegh sha vanger, a gba kaan er: Aôndo, zungwem mhôônom, mo orsholibo ne!

Luka 6:18

Man A war mba ican i lu eren ve sha ujijingi mba hôngorouv.