Mateu 15:19 - ICIGHAN BIBILO

¹⁹ Gadia ka ken ishima man aferakaa a henen kua iwooor man idya man iv man mbampase mba sha aie man ityuhwanev ve dugh ye.

Mateu 15:19 Iomraidhean Croise

Genese 6:5

Er TER nenge isholibo i or kehe sha won, man hanma mhen u ishima i nan kpaa lu u bo tseegh gbem yô,

Genese 8:21

TER ungwa ihuma i dedoo; nahan TER kaa ken ishima Na er: Me kera wa tar ifan sha ci u or ga, gadia mhen u ishima i or ka u bo, hii sha iyev mbu nan je; man shi Me kera tsaha akaauma er M vande eren nahan ne ga.

Upasalmi 119:113

M ker mbaasemaahar ihom, kpa atindiakaa a Ou yô, doom ishima.

Anzaakaa 22:15

Lanegh kange wanye ken ishima, kpa kwagir u tsahan a mi ua zenda ku, ua gbihi ica a nan.

Anzaakaa 24:9

Mhen u ibume ka kwaghbo je, man ornahantar ka kwagh u ndôhôr ishima je.

Anzaakaa 4:23

Hemba kuran ishima you a akaa a u kor a cii, gadia ka ken i uma a dugh ye.

Anzaakaa 6:14

ifer ngi ken ishima na, ngu senden ior ityough, nan mpav,

Yesaia 55:7

Iferor nana̱ undu gbenda u nan; u nan lu perapera ga kpaa, nana̱ gbihi mbamhen mba nan kera, nana̱ hide hen TER, tsô Una zungwe nan mhôônom, man hen Aôndo wase, gadia Un deen kwaghbo wuee.

Yesaia 59:7

Angahar a ve nga zan ayem sha u za eren kwaghbo; mba zan fefa sha u za haan awambe a orishôôgh; mbamhen vev ka mbamhen mba ifer tsô, myôhôr kua mtim mba sha igbenda ve.

Yeremia 17:9

Ishima i wa atseregh je hemba hanma kwagh cii, i vihi je gande; ka an nana fatyô u fan i?

Yeremia 4:14

Ôô iferkwagh ken ishima you kera, we Yerusalem, sha u u̱ war. Ka hanma shighe je man mhen wou u sha ifer u a tem a we ne, una kuree?

Numeri 22:29

Balaam kaa a jaki er: Ka sha er u heem yô; mea lu a sanker sha uwe yô, ma m woo u a wua je.

Mateu 15:20

Ka ve ve ne or nan kera lu wang ga ye; kpa u ôôn ave ga, yan kwagh yô, gem or nan lu wang ga ze.

Mateu 5:28

Kpa Mo yô, M kaan ne ner hanma or u nana kenger kwase sha u nana tôm un yô, nan er idya a na ken ishima je ve.

Mateu 9:4

Man er Yesu fa mbamhen vev yô, A kaa er: Ka nyi ne henen kwagh u bo ken asema a ene?

Aerenakaa A Mbaapostoli 8:22

Yô, gema ishima sha ifer you ne kera, er msen, sôn Ter, tsô alaghga á de u mhen u ken ishima you ne.

Mbaromanu 7:18

Gadia m fa ma kwagh u doon tem ken mo ga, inja na yô, ka ken iyol yam je la, gadia kwagh yô, saren mo kpa u eren a er kwagh u doon yô, ka ga.