Mateu 15:14 - ICIGHAN BIBILO

¹⁴ De nen ve kera; ka mbaapirashe shi mba hemen mbaapirashe gbenda. Aluer orapirashe nana kôr orapirashe ugen aga yô, ve uhar cii vea gba shin akpa.

Mateu 15:14 Iomraidhean Croise

Yesaia 31:3

Mbaigipiti ka ior tsô, ka Aôndo ga, anyinya a ve kpaa ka inyam tsô, ka jijingi ga; zum u TER Una naregh uwegh Nagh yô, u nan wase la nana nôngo gbev, u nan ngohol iwasen la kpaa nana gba, ve cii vea tim imôngo.

Yesaia 42:19

Ka an nan pir ashe, saa wanakiriki Wam la man ato kpaa a kondo nan er ortyom Wam u M tindi la nahana? Ka an nan pir ashe er or u M tsegh nan la shi nan pir ashe er wanakiriki u TER nahana?

Yesaia 56:10

Mbakuran nav cii ka mbaapirashe, ve cii mba a mfe ga, ve cii ka iwa i kondon aker je, ve fatyô u gbehen ga, mnyam ma cien ve, ve yaven inya, doo ve u meer mnyam.

Yesaia 9:16

Gadia ve mba ve hemen ior ne, ve gema ve hingir mba nan mtsum, man shi mba i hemen ve la ve gba ken mtsum la.

Yeremia 5:31

uprofeti mba ôron kwagh sha aie, upristi kpaa mba eren tahav sha ityesen ve, ior Av kpaa doo ve er i lu nahan; tsô nea er nan sha mkuru?

Yeremia 6:15

Ve va ahenge sha ci u ve er kwagh u ndôhôrshima yô; nahan kpaa kunya ngu ken ve côhin je ga, gadia ve fa ahenge a van kpaa ga; nahan yô, vea gba a mbagban imôngo; sha shighe u Me va tsaha ve la, vea nôngo gbev, kape TER A kaa ne.

Yeremia 8:12

Ve va ahenge sha ci u ve er kwagh u ndôhôrshima yô; nahan kpaa kunya ngu ken ve côhin je ga, gadia ve fa ahenge a van kpaa ga; nahan yô, vea gba a mbagban imôngo; sha shighe u Me va tsaha ve la, vea nôngo gbev, kape TER A kaa ne.

Hosea 4:17

Eferaim var a akombo; de un tsô.

Malaki 2:8

Kpa ne kaha ne undu gbenda; ne na ior kpishi gbev mbu nôngon sha ityesen; ne pav ikuryan i Levi, kape TER u akum a Sha A kaa la.

Luka 6:39

Shi A ôr ve injakwagh kpaa er: Orapirashe fatyô u hemen orapirashe ugen kpa? Ve uhar cii vea gba shin ihungwa gaa?

YOHANE 9:39

Tsô Yesu kaa er: M va shin tar ne sha ci u i̱ hingir ijir i kuren, sha u mba ve nengen ga yô, ve̱ nenge, man mba ve nengen la yô, ve̱ gema di ve̱ hingir mbaapirashe.

1 Timoteu 6:5

man iyongo i kuren ga hen ior mba i vihi mhen ve, man mimi ve la a saa yô. Mba henen er, u civir Aôndo yô, ka gbenda u zuan a mtsera.

2 Peteru 2:1

Kpa mbaprofeti mba aiev iyange ve due hen nongoior la di er ken a ven kpaa mbatesen mba aiev vea va lu nahan. Vea nyôr a ityesen i kahan i dang myer, Ter u A paa ve la je kpaa vea nyiman Un, mba van a mtim sha ayol a ve fefa je.

2 Peteru 2:17

Mban yô, ka ihwembe i lun a mngerem ga, ka irkpiigh i ijeverahumbe a purugh a mi kera. I ver ve angôghime.

Mpase U Yohane 19:20

Tsô i kôr inyam la man shi profeti u aie la kpaa, un u a lu eren uivande sha ishigh ki inyam, a lu tsughun ior mba ve ngohol ikav i inyam la man shi mba ve civir eev mbu i la kpaa, i gbihi ve uhar cii uma ken berusu u a lu yeghen sha sulfur la.

Mpase U Yohane 22:15

Ken won yô, ka iwa man mbaahiriv man mbadyarev man mbawuanior man mbacivirakombo man mba aie a doo ve ishima shi ve eren un kpaa la.