Mateu 13:44 - ICIGHAN BIBILO

⁴⁴ Tartor u Sha ngu er kwagh u injaa u i yer ken sule ugen, u or za zua a mi, maa nan gem nan yer; sha iember i nan la nan gema nan za tee akaa a nan lu a mi la cii, nan za yam sule la.

Mateu 13:44 Iomraidhean Croise

Yobu 28:13

Or fa inja na ga; mba zough a mi ken tar u mbaumav kpaa ga.

Anzaakaa 16:16

U zuan a kwaghfan hemba doon a zenaria ca je gaa! Een, u zuan a mkav hemba doon a u tsuwan azurfa.

Anzaakaa 17:16

Inja na nan man ibumeor nana lu a inyaregh sha u yamen kwaghfan, er nan lu a mkav ga yôô?

Anzaakaa 18:1

Or u nan dugh iyol i nan kposo yô, ka isharen i nan iyol i nan, nan keren ye, nahan nan mough num a kwaghfan u mimi cii.

Anzaakaa 23:23

Yam mimi, de teen un ga, een, kua kwaghfan man ityesen man mkav kpaa.

Yesaia 55:1

Ne mba imura i ker ne cii, va nen hen mnger, kua u nan lu a inyaregh je ga kpaa; va nen, va yam nen, ya nen, een, va nen, va yam nen wain kua atumbabua, á lu sha inyar ga, man sha ishe i wan kpaa ga.

Mateu 13:24

Shi A va ve a injakwagh igen, A kaa er: Tartor u Sha ngu er or u nan lee ivor i dedoo ken sule u nan.

Mateu 13:46

Er nan za zua a tagbede môm u lun ishe kpishi yô, nan yem nan za tee akaa a nan lu a mi la cii, nan za yam un.

Mateu 13:47

Man shi tartor u Sha ngu er kper u kpelan a kpela u i hee shin zegemnger, a kohol ishu atô kposo kposo.

Mateu 19:21

Yesu kaa a na er: A lu u ka lun vough yô, za za tôô akaa a u lu a mi, tee, na mbaatsanev, tsô ú lu a kwagh u injaa Sha; yô, hide va dondo sha a Mo.

Mateu 19:27

Tsô Peteru gema kaa a Na er: Yô, nenge ase, se undu akaa cii, se dondo U, nahan ka nyi je sé va zua a mini?

Mateu 19:29

Man shi hanmô u nan undu uya shin anmgbianev mba nomso, shin mba kasev, shin ter, shin ngô, shin ônov, shin ishule sha ci u iti Yam yô, nana shi á zua a mi kwa akunduatar shi nana zua a uma u tsôron kpaa.

Mateu 6:21

Gadia ape kwaghinjaa wou a lu yô, ka her man ishima you kpaa ia lu ye.

Luka 14:33

Ka nahan man hanmô wen u nan undu inyarev mbi nan cii ga yô, nana fatyô u lun orhenen Wam ga.

YOHANE 6:35

Yesu kaa a ve er: Mo M ngu kwaghyan u uma; or u nana va her a Mo yô, ijen ia kera kôr nan mayange ga; man shi or u nana nam jighjigh yô, imura kpaa ia kera kôr nan mayange ga.

Mbaromanu 15:4

Gadia akaa a i vande ngeren la cii ka sha ci u ityesen yase lu i nger a ye, lu sha u se̱ lu a ishimaverenkeghen sha ishimawan man ishimasurun i ken icighanruamabera la.

Mbakolose 2:3

Ka ken a Na man i yer akaa a injaa cii a sha kwaghfan man mkav kpaa ye.

Mbakolose 3:16

Kwaghôron u Kristu a̱ tema ken a ven gbing, tesen nen ayol a en kwagh shi waan nen ayol a en kwagh sha kwaghfan cii, shi waan nen upasalmi man atsam man gberen nen amo a ken jijingi, sughun nen Aôndo ken asema a en.

Mbaheberu 10:34

Gadia mbakwarev kpaa, mhôônom kôr ne a ve; zum u i ya ne ishar kpaa, vihi ne ga ne lu saan saan je gadia ne ayol a en kpaa ne fa er ne lu a kwagh u hembandoon man u lun gbem yô.

Mpase U Yohane 3:18

M ngu wasen we henen Mer, yam kwagh a Mo, yam zenaria u i ser sha usu sha er ú ngee a kwagh yô, man shi akondo a pupuu sha er ú haa a iyol, kunya u idyelegh wou u̱ de dugh ken igbar ga yô, man shi icigh ki shighen sha ashe a ou sha er ú nenge kera yô.