Mateu 13:43 - ICIGHAN BIBILO

⁴³ Shighe la mbaperapera vea engem er ka iyange nahan sha tartor u Ter ve. U nan lu a ato a ungwan yô, nana̱ ungwa.

Mateu 13:43 Iomraidhean Croise

Ekesodu 34:35

Mbaiserael vea nengen ishigh ki Mose, er kwavshi u Mose u lu engem yô, Mose a shi a cir ikondo sha ishi zan zan saa shi una nyôron u ôron kwagh a Na.

Daniel 12:3

Mba ve lu a kwaghfan yô, vea engem er iengem i sha kwavaôndo nahan, mba ve gem ior kpishi vea hingir mbaperapera, vea engem er asan nahan zan zan gbem sha won.

Mateu 11:15

U nan lu a ato a ungwan yô, nana̱ ungwa.

Mateu 25:34

Zum la Tor la Una kaa a mba ve lu ken uwegh Nagh ku yanegh la er: Va nen, ne mba i saan ne iyol mba Terem, ya nen dyako u tartor u i ver sha ci wen hii sha igbetar je la.

Mateu 25:36

M lu idyelegh, kpa ne zerem ikondo; M lu uange, kpa ne va nengem; M lu ken gaadi, kpa ne va sôrom.

Mateu 26:29

Kpa Me kaa ne, mayange Me kera ma zar u atam a kon u wain ne ga zan zan sha iyange i Me ma u hegh a ven imôngo sha tartor u Terem.

Marku 4:23

Aluer ma or nan ngu a ato a ungwan yô, nana̱ ungwa.

Luka 12:32

Ne anikumuile u kpeghee ne, de cie nen ga! Gadia i doo Ter wen u nan ne tartor la.

Luka 22:29

Nahan M ver ne tartor er Terem kpaa A verem nahan,

1 Mbakorinte 15:58

Nahan yô, ne anmgbianev av mba doon mo ishima, tile nen dông, de kpoghol nen ga, eren nen tom u Ter ngegh je sha hanma shighe cii, gadia ne fa, ken Ter yô, tom wen ngu gbilin ga.

Yakobu 2:5

Ver nen ato, anmgbianev av mba doon mo ishima, Aôndo kera tsuwa mbaatsanev mba ken tar ne sha u ve̱ lu mbanyarev ken jighjigh u nan man shi mbayandyako u tartor u A tende zwa a mba Un doo ve ishima la gaa?