Mateu 13:42 - ICIGHAN BIBILO

⁴² vea haa ken igyamusu; keregh la mliam maa lu kua anyi a yan.

Mateu 13:42 Iomraidhean Croise

2 Samuel 23:7

kpa a lu or ka benden a ve yô, nana̱ vande lun a ikagh ki iyôgh man ihandeiwange sha uwe, á nande ve sha usu purututu hen ijiir la je

Upasalmi 21:9

Ú gema ve, vea hingir er atse a hian nahan, shighe u Ú va ande ken igbar yô. TER Una mena ve sha iyugh Na; usu ua hia ve.

Daniel 3:6

man aluer or nana gure inya, nana sugh mbu ga yô, á gbihi nan shin atô u atse a usu u yeghen ker la, hen shighe la je.

Mateu 13:50

vea haa ve ken igyamusu, keregh la mliam maa lu kua anyi a yan kpaa.

Mateu 22:13

Tsô tor kaa a mbatomov er: Kange nen un ave kua angahar, gbihi nen ken ime i ken won. Keregh mliam maa lu kua anyi a yan kpaa.

Mateu 25:41

Tsô Una shi Una gema Una kaa a mba ve lu ken uwegh Nagh ku imesegh la er: Yem nen heen kera, ne mba i we ne ifan, yem nen ken usu u tsôron u i keer sha ci u diabolo a mbatyomov nav la.

Mateu 3:12

tser ngu sha uwegh Nagh, Una ese vande Na tsembelee, Una kohol uwua Na, una za ombo sha una, kpa akoo yô, Una nande sha usu u pirin mayange ga.

Mateu 8:12

kpa á gema á dugh ônov mba tartor á haa ve ken ime i ken won la; mliam maa lu keregh kua anyi a yan kpaa.

Luka 13:28

Keregh la né haan mliam né yaan anyi kpaa zum u nea nenge a Aberaham man Isaka man Yakob kua uprofeti cii ken tartor u Aôndo, man ne ayol a en á gema á gbihi ne ken won yô.

Mpase U Yohane 14:10

nan kpaa nana ma wain u iyugh i Aôndo u i nongo kwagh sha mi ga i hee ken iyongo i iyugh Na la. Á er nan ican sha usu man sha sulfur sha ishigh ki uicighanmbatyomov mba Shaav man sha ishigh ki Waniyôngo kpaa.

Mpase U Yohane 19:20

Tsô i kôr inyam la man shi profeti u aie la kpaa, un u a lu eren uivande sha ishigh ki inyam, a lu tsughun ior mba ve ngohol ikav i inyam la man shi mba ve civir eev mbu i la kpaa, i gbihi ve uhar cii uma ken berusu u a lu yeghen sha sulfur la.

Mpase U Yohane 20:10

Diabolo u a lu tsughun ve la kpaa i kende un ken ber u usu man sulfur ape inyam man profeti u aie ve lu la; á eren ve ican atetan kpaa tugh kpaa gbem sha won.

Mpase U Yohane 21:8

Kpa mbaciankwagh man mbanan jighjigh ga, man mba kwagh ve a ndôhôr ishima la man mbawuanior man mbadyarev man mbaahiriv man mbacivirakombo man mbaerenaie cii, kwar ve ngu ken ber u a lu hian sha usu man sulfur, ka ku u sha uhar je la.

Mpase U Yohane 9:2

Nahan a bugh ihungwa i i ze kweng la maa mnyim gba duen shin ihungwa la er ka mnyim ma zegeusu u iwaagh nahan, iyange man kwavaôndo wa ime sha ci u mnyim ma ihungwa mara.