Mateu 13:39 - ICIGHAN BIBILO

³⁹ Orihom u a lee i la yô, ka diabolo; sunda la yô, ka mkurtar; mbasundan mbala yô, ka mbatyomov mba Shaav.

Mateu 13:39 Iomraidhean Croise

Daniel 7:10

Ifi u usu due gba kuwan sha ishigh nagh; ior udubu dubu lu eren Un tom, man dubu pue kwa dubu pue tile sha ishigh Nagh; i tema ijirôron man i bugh uruamabera.

Yoel 3:13

Naregh nen loji gadia sunda via; va nen, va shoghol nen, gadia ihungwa i kamen wain iv, ahungwa iv lev lev nga haan; gadia ifer ve i vese.

Mateu 12:32

Man shi hanma or u nana ôr kwagh sha Wan u or geseghee kpaa á de nan kwagh la; kpa hanma or u nana ôr kwagh geseghee sha Icighan Jijingi yô, á de nan kwagh la mayange ga, sha ayange ne kua a a lu van ken hemen la kpaa.

Mateu 13:22

Man u i te ivor i nan ken usaa yô, ka u ka nan ungwa kwaghôron la kpa anzughul a tar ne a nyian ishima man icugh i inyar ve va imbishi kwaghôron la, a kera ume atam ga.

Mateu 13:25

Kpa zum u ior lu yaven yô, orihom u nan za va, va lôô ivor i bo ker atô u uwua, tsô a yem.

Mateu 13:28

A kaa a ve er: Ka ma orihom nan er nahan ye. Tsô mbashiren mbala kaa a na er: Nahan ka u ka se̱ za wuhe i se̱ kura kera?

Mateu 13:40

Er ka i kohol ivor i bo la, i nande sha usu nahan, kape á er sha iyange i mkurtar je la.

Mateu 13:49

Kape á lu sha mkurtar je la. Mbatyomov vea due, vea sange mbaaferev ken mbaperapera kera;

Mateu 24:3

Tsô za tem sha uwo u Olev yô, mbahenen va her a Na, ve tseegh, ve kaa er: Kera kaa ase se yôô, ka hanma shighe man akaa ne aa ere? Man ka nyi ia lu ikav i sha mve Wou la man i mkurtara?

Mateu 25:31

Kpa zum u Wan u or Una va sha iengem Na a mbatyomov mba Shaav cii a Na imôngo yô, zum la Una tema sha ikônough Nagh ki torough ki engem la;

Mateu 28:20

Tesen nen ve u kuran akaa a M we ne kwagh sha mi cii; nenge, Me luun a ven ayange ayange zan zan mkurtar je.

1 Mbakorinte 10:11

Akaa ne er ve, lu akav a tesen man i nger a sha u a̱ lu se ityesen, se mba mkur u ashighe a ve sha a vese ne yô.

2 Mbakorinte 11:3

Kpa m ngu cian mer, alaghga á va vihi mbamhen enev né undu mlu u mimi [man u wang] u ken Kristu la er iyô mee Ifa sha atseregh a i nahan.

2 Mbakorinte 2:17

Se mba zenden kpenga a kwaghôron u Aôndo er mbagenev kpishi ve eren nahan la ga, kpa se mba ôron kwagh ken Kristu sha mimi, ka er mba Aôndo A tindi ve nahan man ka sha ishigh ki Aôndo kpaa.

Mbaefese 2:2

a ne vande zenden sha mi sha inja i mlu u tar u ainge ne, sha inja i tor u tahav mbu ahumbev, ka jijingi u a lu eren tom hegen ken ônov mba ihembeato.

Mbaheberu 1:2

kpa ken ayange a masetyô ne yô, A ôr kwagh a vese sha Wan Na u A ver Un dyako sha akaa cii, ka sha a Na kpaa A er tar cii ye.

Mbaheberu 9:26

Luun nahan yô, ma A ye ican acin imôngo hii sha igbetar je. Kpa hegen yô, A ande kwa môm sha mkur u ashighe sha u Una tôô asorabo kera sha nagh ku sha iyol Na la.

1 Peteru 5:8

Lu nen geng ge geng shi kuran nen kpaa, orihom wen diabolo ngu zenden er begha u tan kume nahan, keren or u una ya yô.

Yuda 1:14

Heno u a lu kov u sha utaankaruhar hii sha Adam la kpaa, ôr kwaghôron u profeti sha kwagh u mban, a kaa er: Ter va a uicighan Nav udubu udubu,

Mpase U Yohane 12:9

I gbihi zegedarakon la shin inya, ka tseiyô je la, u i yer un er Diabolo man shi Satan la, u a lu tsughun tar cii la, i gbihi un shin tar shi i gbihi mbatyomov nav a na imôngo kpaa.

Mpase U Yohane 13:14

I lu tsughun ior mba ve tem shin tar sha uivande mba i ne i u eren sha ishigh ki inyam i hiihii la, i kaa a ve er ve̱ er eev mbu inyam i i gber i sha sanker kpa i lu uma her la.

Mpase U Yohane 19:20

Tsô i kôr inyam la man shi profeti u aie la kpaa, un u a lu eren uivande sha ishigh ki inyam, a lu tsughun ior mba ve ngohol ikav i inyam la man shi mba ve civir eev mbu i la kpaa, i gbihi ve uhar cii uma ken berusu u a lu yeghen sha sulfur la.