Mateu 13:25 - ICIGHAN BIBILO

²⁵ Kpa zum u ior lu yaven yô, orihom u nan za va, va lôô ivor i bo ker atô u uwua, tsô a yem.

Mateu 13:25 Iomraidhean Croise

1 Utor 3:20

Tsô a mough ateghôtôutu, a tôô wan wam hen ikum yam, zum u kpan wou u kwase lu mnya la, a gbir hen ikum na, a gema a gbir wan na u kpen la hen ikum yam.

Mateu 13:24

Shi A va ve a injakwagh igen, A kaa er: Tartor u Sha ngu er or u nan lee ivor i dedoo ken sule u nan.

Mateu 13:26

Kpa er iyiagh mende vese, man ki hiin u maren yô, ivor i bo la kpaa gema due ken igbar.

Mateu 13:27

Nahan mbashiren mba orsule la va, va kaa a na er: Tere, ka ivor i dedoo yan u lôô ken sule wou gaa, man ka han u zough a ivor i bo nee?

Mateu 13:29

Kpa a kaa er: Ei, alaghga né za wuhen ivor i bo la yô, né wuhe i a uwua imôngo.

Mateu 13:30

Yô, de nen i cii, i̱ vese imôngo zan zan shighe u sundan; man sha shighe u sundan yô, me kaa a mbasundan mer: Vande sangen nen ivor i bo la kera man kange nen aile aile sha u za nanden; kpa gema kohol nen uwua, za ombom sha wuna.

Mateu 13:39

Orihom u a lee i la yô, ka diabolo; sunda la yô, ka mkurtar; mbasundan mbala yô, ka mbatyomov mba Shaav.

Mateu 25:5

Tsô er orkwasehe timbir u van yô, ve cii ve meer mnyam, ve yav.

Mbagalatia 2:4

Kpa lu sha ci u anmgbianev mba aiev mba ve nyer myer la; ve yô, ve nyôr imbusu sha u vea nenge mker sha mlu wase u lun a ikangenev ga ken Kristu Yesu la, sha u vea za a vese ken ikpan yô.

Mbaheberu 12:15

Shi kura nen sha er mhôônom ma Aôndo ma de bundu ma or ga yô, ma mise u yuan kpaa u̱ de menden u̱ ne anzughul man ior kpishi ve̱ zua a hôngor sha mi ga.

1 Peteru 5:8

Lu nen geng ge geng shi kuran nen kpaa, orihom wen diabolo ngu zenden er begha u tan kume nahan, keren or u una ya yô.

2 Peteru 2:1

Kpa mbaprofeti mba aiev iyange ve due hen nongoior la di er ken a ven kpaa mbatesen mba aiev vea va lu nahan. Vea nyôr a ityesen i kahan i dang myer, Ter u A paa ve la je kpaa vea nyiman Un, mba van a mtim sha ayol a ve fefa je.

Mpase U Yohane 12:9

I gbihi zegedarakon la shin inya, ka tseiyô je la, u i yer un er Diabolo man shi Satan la, u a lu tsughun tar cii la, i gbihi un shin tar shi i gbihi mbatyomov nav a na imôngo kpaa.

Mpase U Yohane 13:14

I lu tsughun ior mba ve tem shin tar sha uivande mba i ne i u eren sha ishigh ki inyam i hiihii la, i kaa a ve er ve̱ er eev mbu inyam i i gber i sha sanker kpa i lu uma her la.

Mpase U Yohane 2:20

Kpa kwagh u a shim a we yô, ka er u gbe den Yesebel kwase u a yer iyol na er profeti la, ngu tesen man ngu tsughun mbatomov Av er ve̱ er idya shi ve̱ ya inyamakombo kpaa.