Mateu 13:23 - ICIGHAN BIBILO

²³ U i te ivor hen a nan hen inya i dedoo yô, ka u ka nan ungwa kwaghôron, nan kav un; ka nan je ka nan ume atam nan tser ye; ugen kwa akunduataan, ugen akunduatar, ugen yô, ikundugber.

Mateu 13:23 Iomraidhean Croise

Esekiel 18:31

Haa nen asorabo a en, a ne er la cii kera, wa nen ishima i he man jijingi u he kpaa, gadia ka sha ci u nyi né kpe, we ya u Iseraele?

Esekiel 36:26

Me na ne ishima i he man Me wa jijingi u he ker a ven; Me dugh iwenshima ken iyol yen kera, man Me na ne ishima i inyam.

Mateu 12:33

Gema nen kon u̱ lu u dedoo, atam a u kpaa a̱ lu a dedoo; gayô, gema nen kon u̱ lu u bo, atam a u kpaa a̱ lu a bo; gadia ka sha atam a kon man i fe u min ye.

Mateu 13:8

Igen haa ken inya i dedoo; via, iyiagh hemba ivor la kwa akunduataan, igen akunduatar, igen ikundugber.

Mateu 3:10

Hegen je kpaa i ver ijembe hen misekon; hanma kon u u um ityamegh ki injaagh ga yô, á gber u kera, á kende ken usu.

Mateu 3:8

Yô, ume nen ase ityamegh ki ki kom mgemshima yô;

Marku 10:15

Mimi je, M kaan ne ne, hanma or u nana rumun tartor u Aôndo er wanye u kiriki nahan ga yô, mayange je nana nyôr ker ga.

Marku 4:20

Mba i te ve ivor hen inya i dedoo yô, ka mba ka vea ungwa kwaghôron la, ve ngohol un, ve ume atam, ugen kwa ikundugber, ugen akunduatar man ugen akunduataan.

Luka 13:9

aluer una ume atam inyom i i lu van ne yô, doo; aluer una ume ga yô, ú gba gberen kera tsô.

Luka 8:15

Kpa i hen inya i dedoo yô, ka mba ve ongo kwaghôron la man ve kusu un ken ishima i mimi i dedoo man ve ume atam sha ishimawan.

Luka 8:8

Igen haa hen inya i dedoo; i mende, i na mtsera kwa akunduataan. Ngur ôron akaa ne nahan yô, A genger imo A kaa er: Or u nan lu a ato a ungwan yô, nana̱ ungwa.

YOHANE 15:16

Ka ne ne tsoughom ga, kpa ka Mo je M tsough ne ye; man M ver ne sha er né za, né za ume atam yô, atam a en kpaa a̱ luun zan zan, sha er nyi ityôkwagh i ne sôn Ter ken iti Yam yô, Una er ne i.

YOHANE 8:47

U nan dugh sha Aôndo yô, nan ongo mkaanem ma Aôndo; kape i lu man ne ongo ma ga la, sha ci u ne dugh her Aôndo ga yô.

Aerenakaa A Mbaapostoli 16:14

Kwase ugen lu, iti na er Lidia u ken gar u Tiatire, lu kwase u teen suun, lu civir Aôndo kpaa; a ungwa se, man Ter kpaa bugh un ishima sha u una ver ishima sha akaa a Paulu lu ôron la.

Aerenakaa A Mbaapostoli 17:11

Mbala yô, hemba ior i Tesalonika inja i mimi, sha er ve rumun kwaghôron la sha gbashima shi ve lu timen ken icighanruamabera ayange ayange sha u vea nenge shin akaa la aa lu nahan yô.

2 Mbakorinte 9:10

Un u A ne ortanivor la ivor, shi A lu nan bredi sha ci u kwaghyan la yô, Una na ne ivor i tan, Una seer i, shi Una seer atam a perapera wen kpaa,

Mbafilipi 1:11

né iv a atam a perapera a a lu sha Yesu Kristu la sha ci u icivir man iwuese i Aôndo.

Mbafilipi 4:17

Nahan kpaa ka iwua m keren ga kpa m ngu keren atam a ngeen sha ci u mtsera wen.

Mbakolose 1:10

sha u ne̱ zende zende u u kom Ter, ne̱ doon Un ken akaa cii, ne̱ umen atam ken hanma tom u dedoo, shi ne̱ vesen ken kwaghfan u Aôndo,

Mbakolose 1:6

U nyôr ken ven di er u nyer sha won cii nahan, ngu umen atam, ngu vesen di er ken ven nahan, hii sha iyange i ne ungwa man ne va fa mrumun u sha mhôôn u Aôndo sha mimi la.

1 Mbatesalonika 4:1

Nahan hegen yô, anmgbianev, se mba zamber a ven shi se mba taver ne asema ken Ter Yesu, er ne ungwa hen vese er i doo u né zende man á doo Aôndo yô, kape ne lu zenden kpaa la shi yemen nen hemen sha mi kpaa.

2 Timoteu 2:10

man sha hanma inja i icugh i sha ifer ken mba vea tim yô, gadia ve ngohol dooshima u sha kwagh u mimi u ma ve war sha mi la ga.

Mbaheberu 4:2

Gadia se kpaa, i ôr se Loho u Dedoo vough er i ôr mbala nahan. Kpa loho la lu ve a inja ga gadia u zua a jighjigh u nan hen ve mba ve lu ungwan la ga.

Mbaheberu 6:7

Gadia inya i ura u nee sha mi acin imôngo, u nyer shimi dedoo, i menden akaa a a lu mba i lu shiren i sha ci ve la a inja yô, ngi zough a iveren i dedoo i Aôndo.

Mbaheberu 8:10

Gadia ka ikuryan Yam i Me ya a ya u Iserael je ne, er ayange a ngara aa kar kera yô, kape Ter A kaa la. Me ver atindiakaa Am ken mhen ve shi ka ken asema a ve kpaa Me nger a ye. Me lu Aôndo ve ve di kpaa vea lu nongoior Wam.

2 Peteru 3:18

Kpa seer vesen nen sha mrumun u sha mhôôn man sha mfe u ne fe Yesu Kristu Ter wase man Oryiman wase la. Ka Un i̱ civir Un ye, hegen zan zan sha iyange i tsôron la kpaa. Amen.

1 Yohane 5:20

Man shi se fa Wan u Aôndo va kera ve; A na se mkav sha u se̱ fa Un u A lu u mimi la, man se mba ken Un u A lu u mimi la, ka ken Wan Na Yesu Kristu je la. Ngun ka Aôndo u mimi man shi uma u tsôron kpaa.