Mateu 13:11 - ICIGHAN BIBILO

¹¹ A gema A kaa a ve er: Ne yô, i na ne sha u ne̱ fa akaa a myer a tartor u Sha, kpa ve yô, i na ve ga.

Mateu 13:11 Iomraidhean Croise

Upasalmi 25:14

Kwaghmyer u TER ngu a mba ve cie Un yô, Una tese ve ikuryan Na.

Yesaia 29:10

Gadia TER haa ne jijingi u mnyam ma mem mem, A pir ne ashe, ka uprofeti je la, man A cir ne ityouv, ka mbanengenakaa je la.

Yesaia 29:11

Mpase u sha akaa ne cii ngu ne er akaaôron a ken ruamabera u i cir un i ver ikav nahan, u ka i na orfantakerada er: Shi ôr kwagh ne; kpa una kaa er: Me fatyô ga, gadia i cir un i ver ikav sha mi;

Yesaia 35:8

Kômgbenda una lu her, á yila un er Icighangbenda; or u nan lu wang ga yô, nana kar sha mi ga; kpa una lu sha ci ve, mbazenden sha mi kua abumeaior je kpaa vea tsume sha mi ga.

Mateu 13:10

Tsô mbahenen Nav va, pine Un er: Inja na nan man U er ve kwagh sha anzaakaa?

Mateu 16:17

Yesu gema kaa a na er: Saan we iyol Shimon, wan u Yona, gadia ka or nan pase u nahan ga, kpa ka Terem u A lu Sha la.

Mateu 19:11

Kpa A kaa a ve er: Ka ior cii man vea fatyô u rumun kwagh ne ga, saa mba i ne ve yô.

Mateu 20:23

A kaa a ve er: Iyongo Yam yô, né ma kpee; kpa u teman a Mo ken uwegh Agh ku yanegh man ku imesegh yô, ka kwagh Wam er Me na kera ga, kpa ka sha ci u mba Terem A ser ijiir la sha ci ve yô.

Marku 10:40

kpa u teman ken uwegh Agh ku yanegh shin ku imesegh yô, ka kwagh Wam er Me na kera ga; kpa ka sha ci u mba i ser ijiir la sha ci ve yô.

Marku 4:11

Nahan A kaa a ve er: Ne yô, i na ne sha u fan kwaghmyer u tartor u Aôndo; kpa mba ken won yô, mba er ve akaa cii sha anzaakaa,

Luka 8:10

Tsô A kaa er: Ne yô, i na ne sha u né fa akaa a myer a tartor u Aôndo; kpa mbagenev yô, saa sha anzaakaa, sha ci u mnenge kpaa ve̱ de nengen ga, man m-ongo kpaa, ve̱ ungwa kpa ve̱ de kaven ga.

YOHANE 6:65

Tsô A kaa er: Ka sha ci u nahan man M kaa a ven Mer: Ma or nana fatyô u van her a mo ga, saa Terem Una na nan.

YOHANE 7:17

Aluer i sar hanma or pe eren ishima Na yô, nana fa kwagh u ityesen ne, shin ka her Aôndo i dugh, shin ka kwagh Wam tsô M erou?

Aerenakaa A Mbaapostoli 16:14

Kwase ugen lu, iti na er Lidia u ken gar u Tiatire, lu kwase u teen suun, lu civir Aôndo kpaa; a ungwa se, man Ter kpaa bugh un ishima sha u una ver ishima sha akaa a Paulu lu ôron la.

Mbaromanu 11:25

Anmgbianev, sarem ka ma ne lan kwaghmyer ne ga, de nengen nen ayol a en er ne mba mbafankwagh yum ga. I cighir vegher ugen u Iserael ishima zan zan atôatyev aa kar nyôron, iyenge i a ia kar ivin vough ve.

Mbaromanu 16:25

Un u A lu a agee a̱ taver ne sha ivangeli yam man sha myee u i lu yôôn kwagh u Yesu Kristu man sha mpase u kwaghmyer u a lu ken iuv hii sha ashighe a tsuaa la je zan zan.

1 Mbakorinte 13:2

Aluer i nam u ôron kwaghôron u profeti man mea fa akaamyer cii man kwaghfan cii kpaa, man mea lu a jighjigh u nan je una kuma u moughon a iwo, kpa mea lu a dooshima ga yô, m ngu ma kwagh je ga.

1 Mbakorinte 15:51

Nenge, ka kwaghmyer je m lu ôron ne ye. Ka se cii sé kpe ga, kpa á va gema se cii.

1 Mbakorinte 2:14

Kpa or u nan lu ken uma u sha marami la tsô yô, nan ngohol akaa a jijingi u Aôndo ga, gadia ka nan akaa a ibume, nan fatyô u kaven a kpaa ga, gadia mba kar a sha inja i jijingi.

1 Mbakorinte 2:7

Kpa se mba ôron kwaghfan u Aôndo, ka kwaghmyer u i yer un, u Aôndo vande veren un sha ci u iengem yase je er i lu a gba tar ga yô.

1 Mbakorinte 4:1

Se yô, i̱ nengen se er se lu mbatomov mba Kristu yô, man shi mbakarenkwar u akaa a myer a Aôndo kpaa.

1 Mbakorinte 4:7

Ka an nan ver u u hembee? Ka nyi u lu a mi i u ngohol a ngohol ga? Man aluer u ngohol yô, ka nyi u gengese iyol er u ngohol a ngohol ga nahana?

Mbaefese 1:18

shi A̱ wanger ne ashe a asema a en sha u né fa er ishimaverenkeghen i myer u A yila ne la i lu yô, man shi er iengem i ngeen yum i dyako Na u ken uicighanmbaiorov i lu yô,

Mbaefese 1:9

A pase se kwaghmyer u awashima Na u A wa ishima ken Kristu

Mbaefese 5:32

Kwagh u myer ne vese tsô kpa m ngu ôron ka sha Kristu man sha nongo Na.

Mbaefese 6:19

man sha ci wam kpaa sha er ma i nem kwaghôron zum u me bugh zwa sha u me pase kwagh u myer u Loho u Dedoo vangertiôr,

Mbakolose 2:2

sha u ma i taver ve asema ma i zough ve ken dooshima ma ve fe kwaghmyer u Aôndo, ka Kristu je la.

1 Timoteu 3:16

Mimi je, kwaghmyer u a lu sha mcivir u se civir Aôndo la, vese tsô. I pase Un ken iyol i or ken igbar, i na Un ishô ken Jijingi, mbatyomov mba Shaav nenge a Na, i pase kwagh Na ken atôatyev, i na Un jighjigh sha won, i yem a Na sha ken iengem.

1 Timoteu 3:9

ve̱ luun a kwaghmyer u jighjigh u nan ken imo i nan ibo ga i ken ishima.

Yakobu 1:5

Aluer kwaghfan una yina mô wen yô, nana̱ sôn Aôndo u ka A na ior cii wuee, A kera kôhôn ashe ga la, tsô á na nan di je.

1 Yohane 2:20

Kpa ne yô, ne mba a mshigh u u A lu Icighan la, ne cii, ne fa.

1 Yohane 2:27

Kpa ne yô, mshigh u ne zua a mi her a Na la, ngu lun ken a ven, kera gba u ma or nana tese ne ga, kpa mshigh Na ne, a tesen ne kwagh sha akaa cii, un ka u mimi, ka u aiegh ga, man er a tese ne nahan yô, lu nen ken a Na kpaa.