Mateu 12:42 - ICIGHAN BIBILO

⁴² Torkwase u ken imbusutariyan una nder a kov ne sha iyange i ijir, man una na u ibo; gadia a due ken akighir a tar, a va sha u ungwan mfe u Solomon. Yô, nenge, u A hembe Solomon icivir Ngun heen ne.

Mateu 12:42 Iomraidhean Croise

1 Utor 10:24

Tar cii, sar u u nengen a Solomon, sha u ungwan kwaghfan na, u Aôndo A ne un ken ishima la.

1 Utor 3:12

nahan M er sha imo you; nenge, M na u ishima i fan kwagh man i kaven kwagh je, ma or vande ngun er we nahan ga, man ma or nana mough ken ijime you nana kuma sha a we kpaa ga.

1 Utor 3:28

Tsô Iserael cii ungwa agwa, er tor a kur ijir la yô; nahan ve cia tor, gadia ve kav er kwaghfan u Aôndo a lu ken a na sha u ôron ijir yô.

1 Utor 3:9

Na wanakiriki Wou ishima i fan kwagh er una ôron ior Ou ijir, er una paven perapera a ifer yô; gadia ka anti je, nana fatyô u ôron imbaikpelaior You ne ijiri?

1 Utor 4:29

Aôndo na Solomon kwaghfan man mkav kpishi je, kua ishima i bughun, ngee er waarawa u hen kpezegemnger yô.

1 Utor 4:34

Ior mbagenev mba ken akuraior cii ve va sha u va ungwan kwaghfan u Solomon, ve mough hen utor mba sha won cii, mba ve ungwa gwa u kwaghfan na la.

1 Utor 5:12

TER na Solomon kwaghfan, er A tôndo zwa a na nahan; Hiram man Solomon ve lu bem ayol a ve; ve uhar ve ya ikur ayol a ve.

Yesaia 7:14

Nahan yô, TER iyol Na je, Una na ne ivande: Nenge, iniunkwase ia wa iyav ia mar wannomso, ia yila un iti er Imanuel.

Mateu 12:41

Ior mba ken Nineve vea nder a kov ne imôngo sha iyange i ijir, vea na u ibo; gadia lu ve gema asema sha kwaghaôndo u ôron u Yona; yô, nenge, u A hembe Yona icivir Ngun heen ne.

Mateu 12:6

Kpa M ngu kaan ne, u A hembe tempel icivir ngu heen.

Mateu 17:5

Tsô ngur ôron kwagh nahan ave je yô, ibeenegh ki iwangeregh va gba mure sha a ve; tsô imo due ken ibeenegh kila, kaa er: Ngun ka Wan Wam u ishima ishima, u ishima i doom a Na yum yô, ungwan nen Un.

Mateu 3:17

Imo due Sha, kaa er; Ngun ka Wan Wam u ishima ishima, u i doom a na yum yô.

YOHANE 1:14

Man Imo la hingir or je, va tema her a vese, se kenger icivir Na, icivir la lu er ka i Wan u môm môm u Ter nahan, mgbough a mrumun u sha mhôôn man mimi kpaa.

YOHANE 1:18

Aôndo yô, mayange ma or ngu a nenge a Na ga; Wan u môm môm u A lu sha ikum i Ter la, ka Wen je A va ne i fe Un ye.

Duteronomi 30:13

Shi ngu yande zegemnger kpaa ga, er ú kaa wer: Ka an nana per zegemnger nana za va se a mi, nana na er sé ungwa un sha er sé waan un iko?