Mateu 12:34 - ICIGHAN BIBILO

³⁴ Ne ônov mba igbindev, á er nan man ne mba ne lu mbaaferev, né ôr akaa a doono? Gadia ka sha m-iv u ken ishima man zwa u er kwagh ye.

Mateu 12:34 Iomraidhean Croise

Upasalmi 53:1

Ibumeor ka nan kaa ken ishima i nan er: Aôndo ngu ga; ve er akaa a dang a ndôhôrshima kpaa; mô u eren dedoo nan ngu ga.

Upasalmi 64:3

mba ve hor nombor ve er sanker yô, ve hôn avaan a ve—ka kwaghôron u bo je la,

Upasalmi 64:5

Mba taver asema a ve sha awashima u bo, mba ôron imôngo sha u vea wa ukper myer, mba kaan er: Ka an nana nenge a mi?

Anzaakaa 16:23

Ishima i orfankwagh ka i tesen zwa u nan, man shi i seer zwa u nan ityesen kpaa.

Anzaakaa 4:23

Hemba kuran ishima you a akaa a u kor a cii, gadia ka ken i uma a dugh ye.

Yesaia 32:6

Gadia ibumeor ka nan ôr ibume kwagh, ishima i nan kpaa i eren iferkwagh, sha u eren kwagh u dang, man u ôron kwagh sha mtsum sha TER, geman den mbagenev ve̱ lu ijen her, man u nyumen mba imura i ker ve la, kwaghman.

Yesaia 59:14

Ijirôron i mimi kpaa, i daa i kera, i hide ijime, perapera kpaa tile ca; gadia mimi nôngo gbev gba hen tembejirigh, man perapera kpaa kera zua a gbenda u nyôron ga.

Yesaia 59:4

Mô môm nan za yer ijir sha perapera ga, mô môm kpaa nan kpelan ishô sha mimi ga; mba suur sha gbilinkwagh mba er aie; ve jile iyol sha dang, ve mar ifer.

Yesaia 9:17

Ka nahan man Ter Una kera ember ikaior ve ga, man shi Una zungwe ancôgholov vev kua kasev vev mba côgholov mhôônom kpaa ga ye, gadia hanmô ve ka dangor man u eren ifer tsô, hanma zwa kpaa ngu ôron iferkwagh. Nahan kpaa iyugh Na ngi a kar kera ga, kpa uwegh Nagh ku naregh ku di her tsô.

Mateu 12:35

Orinjaa ka nan due a akaa a dedoo ken kwagh u ikoogh u ken ishima la je; orbo ka nan due di a akaabo ken kwagh u bo u ken ishima la je.

Mateu 15:18

Kpaa akaa a a dugh ken zwa yô, ka ken ishima a dugh ye, ka a je, a ne or nan kera lu wang ga ye.

Mateu 23:33

Ne iyô, ne ônov mba igbindev! Né er nan man né war ibo i nan i ken gehena la?

Mateu 3:7

Tsô er a nenge a Mbafarishi kua Mbasadushi kpishi lu van hen batisema ne yô, a kaa a ve er: Ne ônov mba igbindev mban, ka an man nan we ne kwagh er né yevese iyugh i i lu van la ase?

Luka 3:7

Tsô a kaa a ikpelaior i i due sha u a̱ er ve batisema la er: Ne ônov mba igbindev mban, ka anti man nan we ne kwagh er, ne̱ yevese iyugh i i lu van la ase?

Luka 6:45

Orinjaa ka nan due a kwagh u dedoo ken kwagh u ikoogh u ken ishima i nan je, man orbo kpaa ka nan due di a kwagh u bo ken kwagh u bo u ken ishima i nan je; gadia ka sha m-iv u ken ishima man zwa u er kwagh ye.

YOHANE 8:44

Ne yô, ka ken ter wen diabolo je ne dugh ye, man ka ne ka eren asaren a ter wen; un yô lu orwuanor sha hiihii je, man a tile sha mimi ga sha ci u mimi ngu ker a na ga. Ka una eren aie yô, i lu sha mlu na je a lu ôron kwagh ye; gadia ka or u aie shi ka ter u aie kpaa.

Mbaefese 4:29

Ma kwaghôron u dang a̱ de dugh ken zwa wen ga, saa di u doon u una fatyô u maan a maa kwagh ape kwagh a gbe sha mi yô, nahan mba vea ungwa kpaa vea zua a mrumun u sha mhôôn.

Mbaefese 5:4

Hwanger man kwaghôron u sha beer man asenge a doon ga la cii, a̱ de luun ken ven ga, guda yô, i̱ lu iwuese.

Yakobu 3:2

Gadia se cii se mba nenge gbev sha akaa kpishi. Aluer or nana nôngo gbev sha kwaghôron ga yô, nan ngu or u vough je, iyol cii kpaa nana fatyô u kôron i tsaha.

1 Yohane 3:10

Ka sha kwagh ne man i pase ônov mba Aôndo a ônov mba diabolo ye; hanma or u nan eren perapera ga yô, nan due hen Aôndo ga, man shi u anmgbian u nan a doo nan ishima ga la kpaa.

1 Samuel 24:13

Bee injakwagh i ior mba ngise kaa er: Ka hen mbaaferev ifer i dugh ye. Kpa uwegh agh yô, kua bende sha a we ga.