Mateu 12:29 - ICIGHAN BIBILO

²⁹ Shin á er nan man or á fatyô u nyôron ken ya u ortaveryol, nana kura un inyaregh, saa nana vande kangen ortaveryol la, man nana mase kuran ikav mbi ken ya na la, gaa?

Mateu 12:29 Iomraidhean Croise

Yesaia 49:24

Á fatyô u yan orutaha ishara? Shin mbakwarev mba ipilaor vea waraa?

Yesaia 53:12

Nahan Me na Un kwar a ashagbaior imôngo, Una kar ishar a mbataveryol imôngo kpaa, sha ci u A gbihi uma Na ken ku je, shi i wa Un ken mbaaferev kpaa; nahan kpaa, ka Un je A tee isholibo i ior kpishi sha iyol Na, man A shi A sôn sha ci u mbaaferev kpaa ye.

Mateu 12:28

Kpa aluer ka sha Jijingi u Aôndo man M dughun ujijingi mba bov kera yô, tartor u Aôndo va hen a ven je ve.

Mateu 12:30

U nan lu nongo a Mo ga yô, nan ngu ihom a Mo, man u nan kohol a Mo ga yô, nan ngu saren a sar.

Marku 3:27

Man shi ma or ngu u nana fatyô u nyôron hen ya u ortaveryol kuran nan inyaregh ga saa nana vande kangen ortaveryol la, man nana mase saren ya la ye.

1 Yohane 3:8

Or u nan eren isholibo yô, ka ken diabolo nan dugh ye, gadia diabolo lu eren isholibo sha hiihii je. Ka nahan man i pase Wan u Aôndo ye, sha u vihin aeren a diabolo kera.

1 Yohane 4:4

Mbayev av, ne due ken Aôndo, ne hemba ve, gadia u A lu ken a ven la, hemba u a lu ken tar la.