Mateu 12:28 - ICIGHAN BIBILO

²⁸ Kpa aluer ka sha Jijingi u Aôndo man M dughun ujijingi mba bov kera yô, tartor u Aôndo va hen a ven je ve.

Mateu 12:28 Iomraidhean Croise

Daniel 2:44

Man sha ayange a utor mbala, Aôndo u Sha Una ver tartor ugen u ua gba mayange ga yô, man shi tahav mbu u kpaa mbua hingir sha ikev i ma ikur igen ga, kpa ua hembe ityartor igen ne cii avur avur, ua tim i, kpa u yô, ua lu gbem sha won;

Daniel 7:14

I na Un tor sha won cii man icivir man tartor, sha u ior man akuraior man ijô cii ve̱ er Un tom; mtemtor Na ka mtemtor u tsôron, u una kar kera mayange ga, man tartor Na kpaa ka u timin kera mayange ga.

Mateu 12:18

Nenge Wanakiriki Wam u M tsough Un, u ishima ishima, u ishima i doom a Na yum yô, Me ver Jijingi Wam sha a Na, Una yôô ijir her akuraior.

Mateu 12:29

Shin á er nan man or á fatyô u nyôron ken ya u ortaveryol, nana kura un inyaregh, saa nana vande kangen ortaveryol la, man nana mase kuran ikav mbi ken ya na la, gaa?

Mateu 21:31

Nahan ken ve̱ mba uhar mbala, ka an nan er ishima i ter na? Ve kaa er: Ka u masejime la. Yesu kaa a ve er: Mimi je, M ngu kaan ne, mbangoholkpandegh man udyambaiorov mba vanden nyôron tartor u Aôndo a ven.

Mateu 21:43

Ka nahan man M kaan ne ye, á ngohol tartor u Aôndo hen a ven kera á na ikurior i ia ume atam yô. [

Mateu 4:24

Gwa Na samber ken tar u Shiria cii, tsô ve va Un a mba ve lu dedoo ga la cii, lu mba angev atô kposo kposo man mnyoonom kôr ve yô, mbalun a ujijingi mba bov man mbagbanikungu man mbakpenalegh; A bee ve mbu cii.

Mateu 6:33

Kpa vande keren nen tartor Na man perapera Na, man akaa ne cii á seer ne a ye.

Marku 1:15

Ayange kuma, tartor u Aôndo mgbôghom ve; gema nen asema, na nen Loho u Dedoo ne jighjigh.

Marku 11:10

I̱ wuese tartor u ter wase Davidi u u lu van la; Hosana sha Usha mba hemban gban ica la!

Marku 16:17

Uivande mban kpaa vea zaan a mbananjighjigh ityô; ken iti Yam je, vea dugh ujijingi mba bov, man shi vea ôr kwagh ken ijô i he kpaa;

Luka 10:11

Shin ihundu i ken gar wen i i te se angahar kpaa, se mba kuren ne i heregh nahan kpaa fa nen er tartor u Aôndo u mgbôghom yô.

Luka 11:20

Kpa aluer ka sha ihôwe u Aôndo M dughun ujijingi mba bov yô, tartor u Aôndo va hen a ven je ve.

Luka 16:16

Atindi kua uprofeti lu zan zan ar hen Yohane; hii hen shighe la je zan zan, mba ôron Loho u Dedoo u tartor u Aôndo, hanma or kpaa nan nyer ker sha igosor je.

Luka 9:2

A tindi ve er ve̱ za ôr kwagh u tartor u Aôndo man ve̱ bee mba ve lu dedoo ga la angev kpaa.

Aerenakaa A Mbaapostoli 10:38

ka kwagh u Yesu Ornasareti la, u Aôndo haa Un Icighan Jijingi man agee; lu zenden, eren ityom i dedoo, waren mba diabolo eren ve ican la cii, gadia Aôndo lu a Na.

Mbaromanu 14:17

Gadia tartor u Aôndo yô, ka sha kwaghyan man kwaghman u lu ga, kpa ka sha perapera man bem man iember ken Icighan Jijingi u lu ye.

Mbakolose 1:13

A yima se A due a vese ken tahav mbu imev kera A nyôr a vese ken tartor u Wan Na u doon ishima.

Mbaheberu 12:28

Nahan yô, se ember nen er se ngohol tartor u u lu u tenger ga yô, ka nahan man sé er Aôndo tom u u doo Un ye, sha mcieaôndo man iyol i sulen.

1 Yohane 3:8

Or u nan eren isholibo yô, ka ken diabolo nan dugh ye, gadia diabolo lu eren isholibo sha hiihii je. Ka nahan man i pase Wan u Aôndo ye, sha u vihin aeren a diabolo kera.