Mateu 12:27 - ICIGHAN BIBILO

²⁷ Man aluer Mo M dughun ujijingi mba bov kera sha Belesebu yô, ônov enev di ka sha an ve dughun ve kera? Ka nahan man vea lu mbaôron ne ijir ye.

Mateu 12:27 Iomraidhean Croise

Mateu 10:25

Orhenen nana hingir er ortesen u nan nahan yô, kuma; man wanakiriki kpaa nana hingir er ter u nan nahan yô, kuma. Aluer i yila orya er, Belesebu yô, man hire mba ken ya naa?

Mateu 4:24

Gwa Na samber ken tar u Shiria cii, tsô ve va Un a mba ve lu dedoo ga la cii, lu mba angev atô kposo kposo man mnyoonom kôr ve yô, mbalun a ujijingi mba bov man mbagbanikungu man mbakpenalegh; A bee ve mbu cii.

Mateu 9:34

Kpa Mbafarishi kaa er: Ka sha tor u ujijingi mba bov man A dughun ujijingi mba bov kera ye.

Luka 11:19

Aluer Mo Mea dughun ujijingi mba bov sha Belesebu yô, ka sha an man ônov enev ve gem ve dughun ve? Ka nahan man vea lu mbaôron ne ijir ye.

Luka 19:22

Kpa a kaa a na er: Ka sha kwagh ôron u ken zwa wou je man me ôr u ijir ye, we ortom u ifer ne! U fa er m lu nomor yô, m tee henpe m ver ga, man m sondo henpe m lee kpaa ga yô.

Mbaromanu 3:19

Se fa, hanma kwagh u atindi a lu ôron yô, nga ôron a mba ve lu sha ikev i atindigh la sha u ilyam a̱ tôndo hanma or zwa man tar cii u̱ ya ibo sha ishigh ki Aôndo.