Mateu 12:2 - ICIGHAN BIBILO

² Man er Mbafarishi nenge kwagh la yô, ve kaa a Na er: Nenge, mbahenen Ou mba eren kwagh u i rumun er i̱ er sha iyange i memen ga yô.

Mateu 12:2 Iomraidhean Croise

Ekesodu 23:12

Er tom wou ayange ataratar, sha iyange i ataankarahar la mem, sha er bua wou kua jaki you kpaa ve̱ mem, wan u kpankwase wou kua shiror kpaa, i̱ yôhôl ve iyol.

Ekesodu 35:2

I̱ eren tom ayange ataratar, kpa iyange i ataankarahar la yô, i̱ lu ne icighanyange i memen i civir TER; hanma or u nana er nyityôtom sha i yô, i̱ wua nan.

Yesaia 58:13

Aluer wea hide a nguhar wou ijime sha iyange i memen, wea kera er tom wou sha icighanyange Yam ga, aluer wea yila iyange i memen wer: Ka kwagh u saren mo, man ka icighanyange i TER, kwagh u icivirigh je, man ú civir i, er ú kera za sha igbenda you ga, shin ú ker ian sha ci u tom wou ga, shi ú kera ôr akaa a ou kpaa ga yô,

Mateu 12:10

Yô, orgen lu her nan uma uwegh; ve pine Un sha u zuan a ityôikaa i vea haa Un ibo yô, ve kaa er: I rumun u i̱ been angev sha iyange i memene?

Mateu 12:3

Kpa A kaa a ve er: Ne ôr kwagh u Davidi lu er shighe u ijen kôr un kua mba ve lu a na imôngo la gaa,

Marku 2:24

Tsô Mbafarishi kaa a Na er: Nenge, ka nyi ve eren kwagh u i rumun er i̱ er sha iyange i memen ga nahana?

Luka 14:3

Yesu gema ôr kwagh a mbafanatindi man Mbafarishi, kaa er: I rumun u i̱ been angev sha iyange i memen shinii?

Luka 23:56

Mba hir yô, ve sôr icimbiv man mkurem ma shighen. Tsô ve mem sha iyange i memen sha tindi.

Luka 6:2

Kpa Mbafarishi mbagenev kaa er: Inja na nan man ne eren kwagh u i rumun er i̱ er sha iyange i memen ga nahana?