Mateu 12:10 - ICIGHAN BIBILO

¹⁰ Yô, orgen lu her nan uma uwegh; ve pine Un sha u zuan a ityôikaa i vea haa Un ibo yô, ve kaa er: I rumun u i̱ been angev sha iyange i memene?

Mateu 12:10 Iomraidhean Croise

Yesaia 32:6

Gadia ibumeor ka nan ôr ibume kwagh, ishima i nan kpaa i eren iferkwagh, sha u eren kwagh u dang, man u ôron kwagh sha mtsum sha TER, geman den mbagenev ve̱ lu ijen her, man u nyumen mba imura i ker ve la, kwaghman.

Yesaia 59:13

ka u peren atindi man u nyiman TER, man u geman kera den u dondon Aôndo wase ityô, u ôron kwagh u mkighir u sha ican man mhendan, u henen akaaôron a aiegh ken ishima man ôron a kpaa.

Yesaia 59:4

Mô môm nan za yer ijir sha perapera ga, mô môm kpaa nan kpelan ishô sha mimi ga; mba suur sha gbilinkwagh mba er aie; ve jile iyol sha dang, ve mar ifer.

Sekaria 11:17

Kwagh á tser orkuranilev u dang ne u a undu iyôngo! Sanker ma a gber uwegh nagh kua ishe na i yan; uwegh nagh ku̱ uma tsong, ishe na i yan kpaa i̱ kôngor gbina.

Mateu 12:2

Man er Mbafarishi nenge kwagh la yô, ve kaa a Na er: Nenge, mbahenen Ou mba eren kwagh u i rumun er i̱ er sha iyange i memen ga yô.

Mateu 19:3

Tsô Mbafarishi mbagenev va her a Na, gba va karen Un kaan er: I rumun u or nana̱ pav a kwase u nan sha hanma ityôikaa shinii?

Marku 3:2

Ve haa ashe sha a Na er vea nenge shin Una bee nan angev sha iyange i memenou, sha u vea zua a kwagh u nan Un ibo sha mi yô.

Luka 11:54

ve lu kuran Un sha u vea kôr Un a ikaa zwa yô.

Luka 13:14

Ka vihin orvesen u shinagoge la sha ci u Yesu A bee angev sha iyange i memen yô, a gema a kaa a ikpelaior er: Ayange nga ataratar a a doo u eren tom yô; ka sha a je, vaan nen, i̱ been ne angev ye, kpa i̱ de lu sha iyange i memen ga.

Luka 20:22

Yô, u sé ta Shisar kpandegh, ka sha mi shinii, ka sha mi ga?

Luka 23:14

a kaa a ve er: Ne va a or ne her a mo ner, ka or u vihin ior; man nenge, m time kwagh Na sha ishigh yenegh, kpa m zua a ibo hen Or ne sha akaa a ne yer Un ijir sha mi ne ga,

Luka 23:2

Ve gba sendegh Un er: Or ne yô, se kohol Un tsughun nongo wase, yangen er i̱ de te Shisar kpandegh ga, kaan er, Wen iyol Na Un ngu Kristu tor je.

YOHANE 5:10

Nahan Mbayuda kaa a or u i bee un angev la er: Nyian ka iyange i memen, nahan u u tôô gambe wou yô, ka sha mi ga.

YOHANE 5:3

Ken ayou la mbauangev lu keregh kpishi, lu mbaapirashe man mbakeer kua mbaumanalegh; [ve lu keghen mkpianger u mnger.

YOHANE 7:23

Aluer sha iyange i memen je kpaa a tsôngon or sha er i̱ de peren tindi u Mose ga yô, inja na nan man ne yugh a Mo sha ci u M bee or angev sha iyange i memene?

YOHANE 8:6

Ve kaa kwagh ne nahan sha u karen Un, sha u vea zua a ityôikaa i vea sende Un a mi yô. Kpa Yesu ngurum, nger kwagh hen inya sha hôwe.

YOHANE 9:16

Tsô Mbafarishi mbagenev kaa er: Or ne due sha Aôndo ga, gadia we iyange i memen iko ga. Kpa mbagenev kaa er: Á er nan man or u nan lu orisholibo nana fatyô u eren anza a uivande mbana? Nahan ve pav iniongo ihiar.