Mateu 11:28 - ICIGHAN BIBILO

²⁸ Va nen her a Mo, ne mba i ver ne iyol cii, ikav mbi yoho ne kpaa, Mo me na ne mmem.

Mateu 11:28 Iomraidhean Croise

Yobu 14:1

Or u kwase a mar nan yô, ayange a nan nga ciôn tsô, man a iv a ican kpaa.

Yobu 5:7

kpa i mar or sha u nan ya ican, er amarama a usu ka a kôndon sha nahan.

Upasalmi 116:7

Hile hen mmem wou, uma wam, gadia TER er a we dedoo yum.

Upasalmi 32:4

gadia tugh man tetan kpaa, uwegh Ough kighir mo, mshiam am uma, hingir er ka sha mtsee u inyom yô. Sela.

Upasalmi 38:4

Gadia aferakaa am cirim, yisa, a yuhwam a hembam, er ikav mbi yuhwan yum yô.

Upasalmi 94:13

sha er Ú na nan mmem sha ayange a mzeyol, zan zan á va time ihungwa sha ci u iferor yô.

Orpasenkwagh 1:14

M nenge tom u i eren shin tar cii; yô, nenge ase, ka gbilinkwagh ci ca, ka u zendan ahumbe ityô tsô!

Orpasenkwagh 1:8

Akaa cii vôr gbida gbida, gande u ôron; ishe ngi idi sha mnenge ga, togh kpaa ku idi sha m-ongo ga.

Orpasenkwagh 4:8

Orgen ka nan lu tswen, nan lu a ma orgen ga, een, shin wan kpaa ga, shin anmgbian tsô kpaa ga, nahan kpaa tom u nan u ican, u kuren ga, ashe a nan kpaa a kenger inyaregh ki kuman a ga. Ka sha ci u an je m ye icana man m gbe nyumen uma wam akaa a doon nahan? Kwagh ne kpaa ka gbilinkwagh tsô, een, ka ican tsung je.

Yesaia 1:4

Kwagh á tser ne! Ne ikurior i eren kwaghbo, Ne ior mba ne lu a iferkwagh i yuhwan ne, ne tsombor u mbaaferev, ne ônov mba eren dang! Ve undu TER, ve laha Icighan u Iserael, ve pav a Na, ve hile ijime.

Yesaia 11:10

Sha iyange la, mise u Yese ua lu er tuta u i tim u sha sha ci u ior; ka hen u man akuraior aa ver ishigh ye; ijiir i u i memen kpaa ia engem.

Yesaia 28:12

Un u A kaa a ve er: Ngun ka mmem je ne, na nen u vôron la mmem; man ka ngun man a lu mkunduyol je ye, nahan kpaa ve rumun u ungwan ga.

Yesaia 61:3

Shi M̱ ver mba ve zungu ken Shion la, tsar u hweegh sha ityough ki mtwe, mkurem ma msaanyol sha ityough ki mzungu; ikondo i cirin i iwuese sha ityough ki ishima i zunguluu; sha u á yila ve er, ikon i ouki i perapera, ka mmôôr u TER, sha er i̱ civir Un yô.

Yesaia 66:2

Gadia akaa angan cii ka uwegh Agh ku er a ye, ka nahan man akaa angan cii a va lu ye, kape TER A kaa la; imbaor i Me ver ishima sha a nan yô, ka u nan hide a iyol i nan ijime man nan lu a jijingi u vaan afanyô, shi nan gbidye ikarikase iyol sha kwaghôron Wam yô.

Yeremia 31:25

M na uma u orvôron kundu un iyol, man hanma or u ishima i yen nan kpaa M taver nan ishima.

Yeremia 35:16

Ônov mba Yonadabi wan u Rekabi ve er sha tindi u ter ve wa ve la vough; kpa ior mban yô, ve wam iko ga.

Yeremia 6:16

TER ngu kaan nahan er: Tile nen sha igbenda, nenge nen, pine nen igbenda i tse, henpe gbenda u doon shi u lu yô, zende nen sha u, tsô nea zua a mmem sha ci u uuma enev; kpa ve kaa er: Ka se ka zenden sha mi ga.

Mateu 11:29

Tôô nen igbur Yam sha ayol a en, va hen nen kwagh sha ikev Yam, gadia M ngu ishima legh legh, man M kehen ityough kpaa ga, tsô né zua a mmem ken asema a en;

Mateu 23:4

Een, ka ve kange ikav mbi yuhwan mbi mbi lu ican u tôôn, ve penda ior sha avande, kpa ve ayol a ve yô, ve soo u benden ihôwe sha mi tsô kpaa ga.

YOHANE 6:37

Mba Ter A nem cii, vea va her a Mo; man or u nana va hen Mo kpaa, mayange Me ta nan kera ga.

YOHANE 7:37

Sha iyange i masetyô la, lu zegeyange u iniongo je la, Yesu tile sha, genger imo kaa er: Aluer imura ia kôr hanma or yô, nana̱ va her a Mo, nana̱ va ma.

Aerenakaa A Mbaapostoli 15:10

Nahan yô, ka nyi ve ne kar Aôndo sha u ne te mbahenen igbur sha mon i uter asev man se kpaa se fetyô u tôôn ga laa?

Aerenakaa A Mbaapostoli 20:35

Ken akaa cii m tese ne ikav mer, ka sha u eren tom nahan man i doo u né wase mba ve taver ga la ye. Man shi umbur nen akaaôron a Ter Yesu A lu ôr iyol Na yô, er: U nan a na kwagh hembe saan iyol a u ngohol a ngohol kwagh.

Mbagalatia 5:1

Ka sha u se̱ de luun ken uikangen ga, man Kristu pase se tuhwa ye. Nahan yô, tile nen dông, i̱ de kera shi wan ne igbur i ikpan ga.

2 Timoteu 1:7

Man ne mba i eren ne ican yô, Una na ne mmem a vese imôngo sha mpase u á va pase Ter Yesu Sha, a mbatyomov Nav mba ageev imôngo

Mbaheberu 4:1

Nahan yô, er ityendezwa i nyôron ken mmem Na i lu her yô, se cia nen sha u i̱ de nengen sha hanmô wen er i bunde nan ga.

Mpase U Yohane 22:17

Jijingi man kwasehe mba kaan er: Va! Or u nan lu ungwan kpaa nana̱ kaa er: Va! Or u imura i ker nan yô, nana̱ va. Or u i sar nan kpaa, nana̱ va, nana̱ va ngohol mngerem ma umam gbilin.