Mateu 11:21 - ICIGHAN BIBILO

²¹ A kaa er: We Korashin, kwagh á tser u, we Betesaida, kwagh á tser u; gadia a lu ken Tiru man Shidon man a er akaa a ageegh a i er ken a ven nahan ne yô, ma ve zamber ma ve hee ajav iyol kua mtwem ngise je.

Mateu 11:21 Iomraidhean Croise

Yobu 42:6

Ka nahan man m laha iyol yam, m zamber ken vuulevu kua ken mtwe ye.

Yeremia 13:27

M nenge akaa a ou a ndôhôrshima ka idya you, man mngor wou sha inja i nyinya la, man ijimba you, sha agungu a ken toho. Kwagh á tser u! We Yerusalem. Ka hanma shighe man ú va hingir wang ase?

Yoel 3:4

Ne mba nyi je, we Tiru man Shidon man ityar i i kase Filitia cii? Né orom iyeve? Aluer ne orom iyev yô, fese je Me gema iyev la Me hire a i sha ityough yenegh.

Amoshi 1:9

TER ngu kaan nahan er: Sha ci u atindi a peren atar a Tiru, een, sha ci u anyiin je yô, Me kera hide a mtsaha na ijime ga, gadia ve na ikurior jimin cii sha ikev i Edom man ve wa ikuryan i anmgbian a anmgbian la iko ga;

Mateu 11:22

Kpa M ngu kaan ne, sha iyange ijir yô, guda Tiru man Shidon a ven.

Mateu 15:21

Tsô Yesu mough heregh, gba yemen ken tar u Tiru man Shidon.

Mateu 18:7

Kwagh á tser tar sha ci u atôakaa a nan gbev mbu nôngon. Gadia ka u atôakaa a nan gbev mbu nôngon a a va keng, kpa kwagh á tser or u atôakaa a nan gbev mbu nôngon a va sha ikev i nan la.

Mateu 26:24

Wan u or ngu zan er i nger sha a Na nahan, kpa kwagh á tser or u nan nenge mker sha a Na la; ka u ma i mar nan ga la, ma i lu nan guda ye.

Marku 3:8

man i ken Yerusalem, man i ken Idumea, man i ken yande Yordan kua i ken ian i Tiru man Shidon kpaa, lu ikpelaior i vesen; er ve ungwa akaa a A lu eren la cii yô, ve va her a Na.

Marku 6:45

Fese nahan A tolough a mbahenen Nav er, ve̱ nyôr shin tsô, ve̱ hira hemen, ve̱ per yande u Betesaida, Wen iyol Na yô, Una na ior gbenda ve̱ yem ve.

Marku 7:24

Moughon heera yô, A yem ken tar u Tiru. Tsô za nyer ken ya ugen yô, A rumun er or a̱ fa ga; kpa fan ityô u lun myer ga.

Marku 7:31

Shi A due ken tar u Tiru, A kar sha Shidon, A va hen zegemnger u Galilia, lu karen ker atô u tar u Dekapoli.

Marku 8:22

Ve va nyôr ken Betesaida. Tsô ve va Un a orapirashe, ve zamber a Na er, A̱ bende Un uwegh iyol.

Luka 4:26

Kpa i tindi Eliya hen ma kwase hen ve ga saa hen Sarefati ken tar u Shidon, hen kwase ugen u a lu kwasecôghol yô.

Luka 6:17

Tsô A hungwa a ve, A va tile hen ijiir i kpuun kpuun a mbahenen Nav kpishi man ikpelaior kpishi i ken Yudia cii man Yerusalem man hen kpe u zegemnger u Tiru man Shidon; ve va sha u ungwan Un man shi sha u i̱ war ve sha angev vev.

Luka 9:10

Mbaapostoli mba za hir yô, ve ôr Un akaa a ve er cii. Tsô A ta ibalegh a ve A za a ve hen gar u i yer er Betesaida la hen ijiir i or lu ga yô.

YOHANE 1:44

Filibu lu or u ken Betesaida, ka gar u Anderia vea Peteru je la.

YOHANE 12:21

Nahan ve va hen Filibu u a due ken Betesaida u Galilia la, ve kaa a na er: Tere, ka se ka nengen a Yesu.

Aerenakaa A Mbaapostoli 12:20

Ishima lu vihin un tsung a ior mba ken Tiru man Shidon, nahan ve va her a na a ishima i môm. Er ve za kôr hur a Belasetu, or u yaren tom ken ya u tor yô, ve ker bem, gadia tar ve zuan a kwaghyan hen tar u tor la.

Aerenakaa A Mbaapostoli 27:3

Kper nan gen se ar hen Shidon; Yuliu er a Paulu doo doo, a rumun un er a̱ za hen akar a na, ve̱ er a na dedoo.

Yuda 1:11

Kwagh á tser ve, gadia mba zenden sha gbenda u Kain, imeen i injar i Balaam la i hemba ve, ve tim sha mhendan u Koraki la.

Mpase U Yohane 11:3

Me na mbashiada Av mba uhar tahav vea ôr kwaghôron u profeti á kuma ayange dubu man deri uhar man akunduatar, vea haa abaasôhô iyol.

Mpase U Yohane 6:12

Man zum u A bugh ikav i sha ataratar la, m ver ashe yô, nenge, tar tenger kpen kpen, iyange hingir il er ibashôhô u lun shuwa shuwa nahan, uwer jimin cii hingir er ka awambe nahan.