Mateu 11:18 - ICIGHAN BIBILO

¹⁸ Gadia Yohane va, lu yan kwagh ga, lu man kwagh kpaa ga, kpa mba kaan er: Ngu a jijingi u bo.

Mateu 11:18 Iomraidhean Croise

2 Utor 9:11

Nahan Yehu due va hen mbayev mba ter na; ve pine un er: Ka bem kpa? Ka nyi orihundu ne a ve her a we? A kaa a ve er: Ne ayol a en kpaa ne fa inja i or la man kwaghôron na kpaa.

Yeremia 15:17

M tema nongo a mba i lu ve iyol yagh yagh la ga, m ember kpaa ga; m tema tswen, sha ci u uwegh Ough ku lu sha a mo yô, gadia U ivim a iyugh.

Yeremia 29:26

Ka TER je A ver u pristi sha ityough ki pristi Yehoyada, sha u mbahemenev ve̱ lu ken iyou i TER yô, sha er hanma or u nan lu bumen, nan veren iyol er nan ngu profeti yô, ú mande nan igbe shi ú senda nan itiligh sha mon kpaa ye.

Hosea 9:7

Ayange a mtsaha kuma ve, ayange a oron iyev va ve; Iserael una fa kwagh ne; profeti ka ibumeor, or u lun a jijingi ka orihundu, sha ci u mngee u ifer you man sha ci u ihom kpaa i vese yô.

Mateu 10:25

Orhenen nana hingir er ortesen u nan nahan yô, kuma; man wanakiriki kpaa nana hingir er ter u nan nahan yô, kuma. Aluer i yila orya er, Belesebu yô, man hire mba ken ya naa?

Mateu 11:17

ve kaan er: Se tôngo ne imar, kpa ne vine amar ga; se gber kwelegh, kpa ne ta ave vanger ga.

Mateu 3:4

Yohane ne yô, ikondo na lu i sha aive a rakumi, man shi a zer kwange u ikôv shin iwenge; kwaghyan na gema lu mbaahungwa man shi iyough i ken toho.

Mateu 9:34

Kpa Mbafarishi kaa er: Ka sha tor u ujijingi mba bov man A dughun ujijingi mba bov kera ye.

Marku 3:22

Mbangeren mba ve due ken Yerusalem kpaa, ve kaa er, ngu a Belesebu; ka sha tor u ujijingi mba bov man A dughun ujijingi mba bov kera ye.

Luka 1:15

Gadia una lu zegeor sha ishigh ki Ter; una tswer wain kua msôrom kpaa, una iv a Icighan Jijingi er una lu ngô na ken uya je.

YOHANE 10:20

Mbagenev kpishi ken a ve kaa er: Ngu a jijingi u bo, ngu hunden kpaa; inja na nan man ne veren ato sha a Na?

YOHANE 7:20

Ikpelaior gema kaa er: U ngu a jijingi u bo, ka an nan keren We a ku?

YOHANE 8:48

Mbayuda gema kaa a Na er: Kera ka sha mi je se kaan ser, U ngu Orsamaria man U ngu a jijingi u bo kpaa ye gaa?

YOHANE 8:52

Tsô Mbayuda kaa a Na er: Hegen yô, se fa U ngu a jijingi u bo; Aberaham kpe kua uprofeti kpaa; man We U ngu kaan wer: Aluer or nana wa kwaghôron Wam iko yô, nana bende a ku mayange ga.

Aerenakaa A Mbaapostoli 26:24

Ngur ôron akaa palegh iyol nahan yô, Fesetu kaa sha imo i taver er: Paulu, u ngu hunden! Mtime u u tim ken takerada yum ne, gema na u ihundugh.

1 Mbakorinte 9:27

M ngu gbidyen iyol yam m ngu veren i ken kpan je, sha u i̱ de lu u m ôr mbagenev kwaghaôndo kera man mo iyol yam yô, m̱ gema m̱ yina sha ikaren ga.