Mateu 10:6 - ICIGHAN BIBILO

⁶ Kpa guda yô, za nen hen iyôngo i hen ya u Iserael i i saa la tsô.

Mateu 10:6 Iomraidhean Croise

Upasalmi 119:176

M tsume er iyôngo i i saa yô, ker wanakiriki Wou, gadia atindi a Ou hungul mo ga.

Yesaia 53:6

Se cii se tsume er iyôngo nahan, hanmô wase hulugh sha u zan sha gbenda u nan, kpa TER gema na ibo yase cii i shile sha a Na.

Yeremia 50:17

Iserael ka iyôngo i i num i kera yô, ubegha zenda i; hiihii tor u Ashiria ya un, ken masetyô Nebukadinesar tor u Babilon mase hemben akuhe a na.

Yeremia 50:6

Ior Av, iyange ve lu er iyôngo i i ndiir yô; mbakuran mba i tsume a i, ve yem a i sha iwo; i zende wue wue sha iwo man agungu, ijiir i tsan i i hungul i.

Esekiel 34:16

Me ker kwagh u a saa yô, man Me hide a kwagh u a tsum kera la, man Me kange kwagh ua kever yô, man Me taver kwagh u a gbe angev yô; kpa kwagh u gban ikôr man u taver la, Me tim un kera; Me koso ve sha gbenda vough.

Esekiel 34:4

I zunen la, ne taver i ga, i uange la ne sôr i ga, i i kever la, ne kange i ga, i i tsum la, ne hide a i ga, man i i saa la kpaa, ne ker i ga; kpa ka sha agee man sha ipila ne tem tor sha i ye.

Esekiel 34:6

Iyôngo Yam lu zenden kughukuku sha iwo cii, man sha hanma igungu u taven; een, i sambe iyôngo Yam sha tar wuee, man ma or u keren shin u tôvon i lu ga.

Esekiel 34:8

Ter AÔNDO ngu kaan nahan er: Er M lu u uma ne, mimi je, sha ci u iyôngo Yam i hingir ishar yô, man iyôngo Yam hingir kwaghyan u inyamtoho cii, sha ci u orkuran nan lu ga, man mbakuranilev Av kpaa ker iyôngo Yam ga, kpa mbakuranilev koso ayol a ve, ve koso iyôngo Yam ga,

Mateu 18:10

Ver nen ishima, de lahan nen u môm ken mbakiriki mban ga, gadia M ngu kaan ne Mer, mbatyomov vev mba Shaav mba kenger ishigh ki Terem u A lu sha la gbem.

Mateu 18:11

[Gadia Wan u or va sha u yiman kwagh u a saa yô].

Luka 24:47

man shi ka ken iti Na man á ôr kwagh u mgemshima man mde u asorabo ken akuraior cii á hii ken Yerusalem je.

Aerenakaa A Mbaapostoli 13:46

Kpa Paulu man Barnaba gba ôron kwagh vangertiôr. Ve kaa er: Ka ne i gbe u á vande ôron ne kwaghôron u Aôndo kpee je ye. Kpa er ne mgbegh un her a ven kera nahan, man shi ne nenge er ne kuma uma u tsôron ga yô, nenge, se gema ishigh her atôatyev ve.

Aerenakaa A Mbaapostoli 18:6

Tsô er ve lu nyiman ngegh, man tuhwan a tuhwa kpaa yô, a nduur akondo na, a kaa a ve er: Awambe a en a̱ hide sha ityough yenegh; mo yô, m ngu a ishô sha kwagh ne; masen yam yemen ken atôatyev je ne.

Aerenakaa A Mbaapostoli 26:20

Kpa m ôr kwagh m hii hen mba ve lu ken Damaseku man ken Yerusalem man shi ken tar u Yudia cii zan zan kua atôatyev kpaa, m kaa mer, ve̱ zamber, ve̱ gema her Aôndo, man shi ve̱ er aeren a a kom mgemshima la.

Aerenakaa A Mbaapostoli 3:26

Ka her a ven je Aôndo vande tindin Wanakiriki Na ye zum u A nder Un shin ku la, sha u A̱ ver ne dedoo, ka er Una gema hanmô wen sha afer a nan kera yô.

1 Peteru 2:25

Gadia ngise ne tsumen er iyôngo nahan kpa hegen yô, ne hide ken Orkuranilev man Orkuran u uuma enev.