Mateu 10:42 - ICIGHAN BIBILO

⁴² Man hanma or u nana na u môm ken mbakiriki mban iyongo i mngerem ma ndôhôr tseegh, sha ci u i lu orhenen yô, mimi je M kaa ne, injar i nan ia bunde nan je ga.

Mateu 10:42 Iomraidhean Croise

1 Utor 17:11

Ngur zan u za kesen yô, a yila un, a kaa er: Shi vam a ankwaghyan kpaa.

2 Utor 4:10

Yô, sé maa nen un anyou sha, sé ver un gambe ker man tebul man ikônough kua imenger, nahan shighe u una va her a vese yô, a̱ nyôr ker.

Anzaakaa 19:17

Or u nan zungu mbaatsanev mhôônom yô, nan pwar TER kwagh je, nahan Un kpaa Una na nan sha ieren i nan i dedoo la.

Anzaakaa 24:14

nahan fa, kape kwaghfan kpaa a lu ken uma wou la, aluer wea zua a mi yô, injar ia lu ken hemen, man ishimaverenkeghen you kpaa á bunde i ga.

Orpasenkwagh 11:1

Kende ruam wou shin mnger, gadia ayange á va kar kpishi, tsô ú zua a mi.

Sekaria 13:7

Nder, we sanker, za ta sha orkuranilev Wam, sha or u a lu ijende Yam la, kape TER u akum a Sha A kaa ne. Gbidye orkuranilev, iyôngo i̱ sambe; Me naregh uwegh sha mbakiriki.

Mateu 18:10

Ver nen ishima, de lahan nen u môm ken mbakiriki mban ga, gadia M ngu kaan ne Mer, mbatyomov vev mba Shaav mba kenger ishigh ki Terem u A lu sha la gbem.

Mateu 18:14

Kape i lu ishima i Ter wen u A lu Sha la, u mbakiriki mban, mô ve nana saa ga la.

Mateu 25:40

Tsô Tor la Una gema Una kaa a ve er: Mimi je M kaan ne ne, er ne er a mô gen u ken anmgbianev Av mba hemban gban ijime mban nahan yô, ka Mo je ne er a Mo nahan ye.

Luka 17:2

Kwagh u a lu nan guda yô, ka u ma i har nan nase sha mon, ma i gbihi shin zegemnger, a u ma nan ne u môm ken mbakiriki mban gbev mbu nôngon yô.

Luka 6:35

Kpa mbaihomov enev ve̱ doo ne ishima, eren nen a ve doo doo, pwaren nen kwagh, kpa de veren nen ishima u shi ngohol kpee ga; nahan injar yen ia lu i vesen je, man né lu ônov mba Uhembansha ye; gadia Wen yô, eren dedoo a mba ve lu a ishughun ga kua mbabov kpaa.

2 Mbakorinte 8:12

Gadia aluer gbashima una lu yô, á rumun un sha kwagh u or nan lu a mi la, ka sha kwagh u nan lu a mi ga la ga.

Mbaheberu 6:10

Aôndo ban a perapera ga. Tom wen ua hungul Un ga, shin dooshima u ne tese sha ci u iti Na kpaa ga er ne lu eren uicighanmbaiorov tom shi ne mba eren her kpaa.