Mateu 10:22 - ICIGHAN BIBILO

²² Ior cii vea kôr ne ihom sha ci u iti Yam; kpa u nana taver ishima zan zan mkur yô, ka nan nana war ye.

Mateu 10:22 Iomraidhean Croise

Anzaakaa 29:27

Or u nan lu a mimi ga yô, nan ngu mbaperapera kwagh u ndôhôrshima, or u nan zenden jighilaa di kpaa nan ngu aferaior kwagh u ndôhôrshima.

Mateu 10:39

U nan zough a uma u nan yô, una saa nan a saa; man or u uma u nan a saa sha ci Wam yô, nana zua a zua a mi.

Mateu 24:13

Kpa or u nana taver ishima zan zan mkur yô, ka nan á yima nan ye.

Mateu 24:9

Hen zum la vea na ne ken ican, vea wua ne kpaa; akuraior cii aa kôr ne ihom sha ci u iti Yam.

Mateu 5:11

Saan ne iyol zum u ka a heen ne, a tôvon ne a ican, man a teren ne sha hanma inja i ifer sha aie, sha ci Wam yô,

Marku 13:13

Ior cii vea kôr ne ihom sha ci u iti Yam. Kpa or u nana taver ishima zan zan mkur yô, ka nan je á yima nan ye.

Luka 21:17

Ior cii vea kôr ne ihom sha ci u iti Yam.

Luka 21:19

Ka sha ishima yen i wan man né zua a uma wen ye.

Luka 6:22

Saan ne iyol zum u ior ka vea kôr ne ihom, man vea dughun ne kera, vea hee ne kpaa, man shi vea teren iti yen dang, sha ci u Wan u ôr yô.

Luka 8:15

Kpa i hen inya i dedoo yô, ka mba ve ongo kwaghôron la man ve kusu un ken ishima i mimi i dedoo man ve ume atam sha ishimawan.

YOHANE 17:14

M na ve kwaghôron Wou, kpa tar kôr ve ihom, sha ci u ve lu ior i tar ne ga yô, er Mo kpaa M lu or u tar ne ga nahan.

YOHANE 7:7

Tar fatyô u kôron ne ihom ga; kpa Mo yô, u kôrom ihom sha ci u M pasen kwagh u u Mer, aerenakaa a u ka a bo yô.

Aerenakaa A Mbaapostoli 9:16

Gadia Me tese un atsan a ngeen yum a una ya a sha ci u iti Yam keng la.

Mbaromanu 2:7

Mba ve lu keren iengem man icivir man mtsôr sha u eren kwagh u dedoo sha ishima i wan yô, Una na ve uma u tsôron.

2 Mbakorinte 4:11

Er se lu uma ne yô, mba nan se ken ku gbem je sha ci u Yesu, sha er uma u Yesu kpaa, i̱ tese un gbar gbar ken iyol yase i va kpen kera ne.

Mbagalatia 6:9

Sé gba nen uwer u eren akaa a dedoo ga, gadia shighe á va kuma yô, sé sunda aluer se yina ishima ga yô.

Mbaheberu 3:14

Gadia se hingir mbalun a kwar ken Kristu aluer se kôr ave gbang gbang sha imagh ki hiihii ki ishimaveren yase zan zan mkur yô.

Mbaheberu 6:11

Sar se u hanmô wen nana̱ tese imbashima i veren tsung shon la u zan ken mfe u mimi u ishimaverenkeghen yase zan zan mkur je,

Yakobu 1:12

Or u nan taver ishima ken imeen yô, saan nan iyol, gadia zum u nana kar ikaren i i lu karen nan la yô, nana ngohol tsar u uma u A tende zwa sha mi a mba A doo ve ishima yô.

1 Yohane 3:13

Anmgbianev av, aluer tar ua kôr ne ihom yô, i̱ de kpiligh ne iyol ga.

Mpase U Yohane 2:10

De cie akaa a aa va tser u la ga. Nenge diabolo ngu veren iyol u una kende ior enev mbagenev ken gaadi, sha u á kar ne yô; man ican ia er ne á kuma ayange pue je. Lu jighjigh, ar ken ku je man Me na u tsar u uma ye.

Mpase U Yohane 2:17

Or u nan lu a ato yô, nana̱ ungwa kwagh u Jijingi A lu ôron a iniongo i Kristu yô. Or u nan hembe yô, Me na nan mana u ken myer la, shi Me na nan iwen i pupuu, man sha iwen la yô, i nger iti i he sha mi, i ma or nan fe i ga, saa or u nana ngohol i la.

Mpase U Yohane 2:26

Or u nan hembe shi nana ver ishima sha aeren a Am zan zan mkur yô, Me na nan tahav sha akuraior,

Mpase U Yohane 2:3

U ngu a ishima i taver, u rumun ican sha ci u iti Yam kpaa, u vôr ga.

Mpase U Yohane 2:7

Or u nan lu a ato yô, nana̱ ungwa kwagh u Jijingi A lu ôron a iniongo i Kristu yô. Or u nan hembe yô, Me na nan, nana ya kon u uma u u lu ken Paradiso u Aôndo la.

Mpase U Yohane 3:21

Or u nan hembe yô, Me na nana tema a Mo imôngo sha ikônough Yagh ki torough di er Mo kpaa M hembe man M tem a Terem imôngo sha ikônough Nagh ki torough nahan.