Mateu 10:20 - ICIGHAN BIBILO

²⁰ Gadia ka ne ne ôron kwagh ga, kpa ka Jijingi u Ter wen A ôron kwagh ken a ven ye.

Mateu 10:20 Iomraidhean Croise

2 Samuel 23:2

Jijingi u TER ôr kwagh ken a mo, kwaghôron Na kpaa ngu sha nombor wam,

Ekesodu 4:12

Nahan yô, gba zan tsô, Mo Me lu a zwa wou imôngo, Me tesen we kwagh u ú ôr yô.

Mateu 6:32

Gadia akaa ne cii atôatyev nga keren a, kpa Ter wen u Sha fa er kwagh a gbe ne sha akaa ne cii yô.

Marku 12:36

Gadia Davidi iyol na je kaa sha Icighan Jijingi er: Ter kaa a Terem er: Temam ken uwegh ku yanegh zan zan Me gema mbaihomov Ou ve̱ hingir We kwagh u pendan angahar sha mi.

Luka 11:13

Aluer ne mba ne lu mbaaferev je kpaa ne fa u nan ônov enev uiwua mba dedoo yô, man hire Ter wen u A lu Sha Una kera na mba ve sen Un la Icighan Jijingi ga yee?

Luka 12:12

gadia hen shighe la Icighan Jijingi Una tese ne kwagh u i doo u né ôr yô.

Luka 21:15

gadia Mo Me na ne zwa man mfe u mba ve hendan kwagh a ven cii vea fatyô u vendan ga, u nyiman kpaa ga yô.

Aerenakaa A Mbaapostoli 13:9

Kpa Saulu, ka Paulu je la, er a iv a Icighan Jijingi yô, a bon ashe sha a na

Aerenakaa A Mbaapostoli 2:4

Ve cii i iv ve a Icighan Jijingi, ve gba ôron kwagh ken ijô igen er Jijingi na ve u ôron yô.

Aerenakaa A Mbaapostoli 28:25

Tsô mba kera zough ayol a ve ga yô, ve hembe, zum u Paulu mase ôron kwagh môm tsô, er: Ka vough je Icighan Jijingi lu kaa a uter enev sha kwaghôron u profeti Yesaia la, ye

Aerenakaa A Mbaapostoli 4:8

Nahan er Peteru iv a Icighan Jijingi yô, a kaa a ve er: Ne mbavesen mba nongoior ne man ne mbatamen,

Aerenakaa A Mbaapostoli 6:10

Kpa mayange ve fatyô u hemban mfe man Jijingi u un ôron kwagh a min la ga.

2 Mbakorinte 13:3

gadia ne mba keren ikav sha u fan er Kristu A lu ôron kwagh ken mo yô. Un yô ngu isheer sha kwagh wen ga, ngu a agee ken ven.

1 Mbatesalonika 2:13

Sha ci u kwagh ne nahan yô, se mba sughun Aôndo gbem gadia zum u ne ngohol kwaghôron u Aôndo u ne ungwa hen vese la yô, ne rumun un er ka kwaghôron u ior ga, kpa er ka kwaghôron u Aôndo man kape i lu kpaa je la, u a eren tom ken a ven, ne mba ne ne jighjigh la.

1 Peteru 1:12

I pase ve er, ve lu eren tom sha akaa ne, nahan kpaa lu sha ci ve ayol a ve ga, lu sha ci wen; ka akaa a i lu pasen ne hegen sha ikev i mbala mba ve lu pasen ne Loho u Dedoo sha Icighan Jijingi u i tindi Un A due Sha la. Akaa ne yô, mbatyomov mba Shaav je kpaa, ka saren ve pe gbirin ashe ker.

2 Peteru 1:21

Gadia mayange ma kwaghôron u profeti due sha awashima u or ga, kpa Icighan Jijingi mgbegha ior man ve ôr kwagh u Aôndo ye.