Mateu 10:19 - ICIGHAN BIBILO

¹⁹ Kpa shighe u vea za a ven nahan yô, asema a̱ de nyian ne sha kwagh u né kaa ga, gadia hen shighe la je á na ne kwagh u né ôr yô.

Mateu 10:19 Iomraidhean Croise

Ekesodu 4:12

Nahan yô, gba zan tsô, Mo Me lu a zwa wou imôngo, Me tesen we kwagh u ú ôr yô.

Ekesodu 4:15

Ú ôron kwagh a na, ú waan un akaaôron ken zwa. Mo Me lu a zwa wou imôngo man zwa na kpaa, Me tesen ne kwagh u né er yô.

Yeremia 1:7

Kpa TER kaa a mo er: De kaan wer: M ngu wanye, ga; gadia hanmô u Me tindi u her a nan yô, ka hen nan ú za ye, man hanma kwagh u Me kaa u yô, ka wen ú ôr ye.

Yeremia 1:9

Tsô TER naregh uwegh Nagh bendem sha zwa; man TER kaa a mo er: Nenge, M ver akaaôron Am ken zwa wou;

Mateu 10:18

je yô, á va a ven sha ishigh ki ugomna man utor kpaa sha ci Wam, sha er i̱ hingir mpase her a ve man her atôatyev kpaa yô.

Mateu 6:25

Ka nahan man M kaan ne ye Mer, asema, a̱ de nyian ne sha ci u uma, wen, sha kwagh u né ya man sha kwagh u né ma, shin sha ci u iyol yen, sha kwagh u né zer la, ga. Uma hemba kwaghyan gaa, man iyol kpaa i hemba akondo gaa?

Mateu 6:31

Nahan yô, asema a̱ de nyian ne, kaan ner ner: Sé ya nyi? Shin: Sé ma nyi? Shin Sé zer nyi? ga.

Mateu 6:34

Nahan yô, asema a̱ de nyian ne sha kwagh u kper ga, gadia kper una gba nôngon sha kwagh na iyol na tsô; hanma iyange zayol u i lu a mi la, kuma i.

Luka 12:11

Man shi zum u vea va a ven hen ushinagoge man hen mbatarev yô, asema a̱ de nyian ne sha inja kwaghôron u né ôr shin sha kwagh u né kaa ga;

Luka 12:12

gadia hen shighe la Icighan Jijingi Una tese ne kwagh u i doo u né ôr yô.

Aerenakaa A Mbaapostoli 6:10

Kpa mayange ve fatyô u hemban mfe man Jijingi u un ôron kwagh a min la ga.

Mbafilipi 4:6

Ishima i̱ de nyian ne sha ma kwagh ga, kpa akaa a a gbe ne la, Aôndo A̱ fa a ken hanma kwagh cii sha msen man sha mzamber a ishughun,

WASHIKA U SHA UHAR U PAULU APOSTOLI TINDI HEN TIMOTEU - 2TI 4:17

Nahan kpaa Ter yô tile a mo her, A nam agee sha u m̱ ôr kwaghaôndo m̱ kure, atôatyev cii a̱ ungwa. Kape i yiman ken zwa u begha kera ne.

Yakobu 1:5

Aluer kwaghfan una yina mô wen yô, nana̱ sôn Aôndo u ka A na ior cii wuee, A kera kôhôn ashe ga la, tsô á na nan di je.