Mateu 10:15 - ICIGHAN BIBILO

¹⁵ Mimi je, M kaan ne ne, sha iyange i ijirigh yô, guda Sodom man Gomora a gar la.

Mateu 10:15 Iomraidhean Croise

Mateu 12:36

Kpa M ngu kaan ne: Hanma kwaghôron u dang u ior ve er, á pine ve kwagh sha mi sha iyange i ijir, vea ôr je.

Mateu 5:18

Gadia mimi je M kaan ne ne, zan zan Sha man tar kpaa vea kar kera je, kpa mayange ishangekwagh môm shin anikav môm tsô kpaa una kough ken atindiakaa kera ga, zan zan akaa cii aa kure sha mi vough.

Mateu 7:22

Sha iyange la ior kpishi vea kaa a Mo er: Tere! Tere! Ka ken iti You man se lu ôron kwaghôron u profeti gaa? Man ka ken iti You se lu dughun ujijingi mba bov gaa? Man shi ka ken iti You se lu eren akaa a ageegh kpishi kpaa gaa?

Marku 6:11

Hanma ijiir i i rumun ne her ga, shin i ver ato sha kwagh wen kpaa ga yô, mough nen heregh kera, kure nen ihundu i shin angahar a en, i̱ hingir ve mpase.

YOHANE 12:48

Or u nan vendem man nan rumun mkaanem Am ga yô, nan ngu a orjir, ka kwaghôron u M er ne je, ka un man una ôr nan ijir sha iyange i masetyô ye.

YOHANE 6:39

Man ishima i u A tindim yô, ka i ne: Akaa a A nem la cii ma kwagh môm a̱ de saan Mo ga, kpa M̱ nder un sha iyange i masetyô.

YOHANE 6:40

Gadia ishima i Terem ka i ne: Hanma or u nan nenge a Wan, shi nan ne Un jighjigh yô, nana̱ zua a uma u tsôron, man Mo kpaa Me nder nan sha iyange i masetyô.

Aerenakaa A Mbaapostoli 17:31

gadia A ver iyange i Una ôr tar cii ijir sha mimi, sha Or u A ver nan yô; sha kwagh ne yô, A na ior cii ikav i mimi sha mnder u A nder Un shin mbakpenev la.

1 Mbakorinte 3:13

tom u hanma or ua hingir ken igbar, gadia ka iyange la ia tese inja i u ye, gadia ka sha usu je á pase iyange la ye, man ka usu ua kar tom u hanma or, er u lu ye.

1 Mbatesalonika 5:4

Kpa ne yô, anmgbianev, ne mba ken ime ga nahan iyange la ia kera va tser ne, er ormbaiv nahan ga.

Mbaheberu 10:25

Se̱ de bundu nen mbamkohol asev mba aduaav er mbagenev ve eren nahan la ga, kpa sé taver nen asema ayol a ase, i̱ seer eren nahan er ne nenge iyange la i lu mgbôghom yô.

2 Peteru 2:6

Man A nande agar a Sodom man Gomora a hingir mtwem, A na ve ibo, i tim ve kera, A gema ve ve hingir ikav hen mba vea va venda Aôndo la cii.

2 Peteru 2:9

Nahan mba ve civir Aôndo la Ter fa u yiman ve ken imeen, shi A fa u kuran mbaaferev zan zan á ar sha iyange i ijirigh la, sha u tsahan ve.

2 Peteru 3:7

Kpa Usha mba ve lu hegen kua tar cii, ka sha imo la i môm i môm man i ver shi i kuran ve sha ci u usu, zan zan á va kuma sha iyange i ijirigh man mtim u mba ve vende Aôndo la ye.

1 Yohane 4:17

Ka sha kwagh ne man dooshima a hingir vough ken vese ye, ka sha u ma se lu vangertiôr sha iyange i ijirigh yô. Gadia er A lu nahan yô, kape se kpaa se lu shin tar ne je ne.

Yuda 1:6

Mbatyomov mba Shaav mba ve kera wa iko sha tahav vev mbu i ver ve sha mi hiihii la ga, ve undu ijiir ve i teman jim la yô, ngu kuran ve ken uikangen ken ime i shin, gbem, sha ci u ijir i sha zegeyange la.

Yuda 1:7

Kape Sodom man Gomora man agar a a kase ve la kpaa ve lu eren idya shi ve lu eren sha asaren a sha gbaaôndo ga je la, i tsaha ve sha usu u tsôron, ve hingir ikav i tesen.