Mateu 1:21 - ICIGHAN BIBILO

²¹ Una mar wan u nomso; ú ii Un iti wer, Yesu; gadia ka Un Una yima nongoior Na sha asorabo a ve ye.

Mateu 1:21 Iomraidhean Croise

Genese 17:19

Aôndo kaa er: Ei, ka Sara, kwase wou, una mar u wan yô, ú ii un iti wer Isaka; Me taver ikuryan Yam vea na, á lu ikuryan i tsôron, sha ci u tsombor na u ken ijime na.

Genese 17:21

Kpa ikuryan Yam yô, Me taver i ken Isaka, u Sara una mar u, sha inyom i sha, hen shighe ne nahan la.

Genese 18:10

A kaa er: Shi Mea hire her a we kpee, hen shighe ne nahan; man nenge, kwase wou Sara una mar wan. Yô, Sara gema lu sha hunda u tenti ken ijime Na, lu ungwan.

Yeremia 23:6

Sha ayange Na, Yuda una war, man Iserael kpaa una tema bem bem; iti i á yilan Un a mi je yô, er: TER KA PERAPERA WASE.

Yeremia 33:16

Sha ayange shon la á yima Yuda, man Yerusalem una tema bem bem; iti i á yila un a mi yô, er: TER ka perapera wase.

Daniel 9:24

I ver ulahadi akunduatargber sha ior Ou man icighangar wou, sha u been tindi u peren, man sha u been asorabo, sha u nan iwom sha ci u iferkwagh, man sha u nyôron a perapera u tsôron, man shi sha u veren ikav sha mpase u sha mnenge man kwaghôron u profeti, man sha u shighen icighanjiir u hemban la mkurem.

Sekaria 9:9

Ember tsung, we wankwase u Shion! Gbidye iwer we wankwase u Yerusalem; nenge, Tor wou ngu van her a we, Un ka u perapera je, man u hemban kpaa, u hiden a iyol Na ijime, A henda jaki, wan u mgbianjaki.

Mateu 1:25

kpa mayange yav a na ga, zan zan a kar maren wan u nomso; a ii Un iti er Yesu.

Luka 1:13

Kpa ortyom la kaa a na er: De cie ga, Sekaria, gadia i ungwa msen wou; kwase wou, Elisabetu, kpaa una mar u wannomso, ú ii un iti wer Yohane.

Luka 1:31

Nenge, ú va wa iyav, ú mar wan u nomso, ú ii Un iti wer Yesu.

Luka 2:11

gadia i mar ne Oryiman ken gar u Davidi nyian, ka Kristu Ter je la.

Luka 2:21

Tsô ayange anigheni nga kom sha u á tsôngo Un yô, i ii Un iti er Yesu, i ortyom u Sha vande kaan je, er i lu a jile Un ken uya ga la.

YOHANE 1:29

Kper gen yô, a nenge Yesu lu van her a na, tsô a kaa er: Nenge Waniyôngo u Aôndo u A tee isholibo i tar kera ne, Ngula.

YOHANE 4:42

Ve gba kaan a kwase la er: Se mba nan jighjigh, kpa kera ka sha ci u mkaanem ou ga, gadia se ayol ase se ungwa, man se fa er Ngun A lu Oryiman u tar mimi je yô.

Aerenakaa A Mbaapostoli 13:23

Ka ken tsombor u or la je man Aôndo va Mbaiserael a Oryiman Yesu, sha ityendezwa Na ye;

Aerenakaa A Mbaapostoli 3:26

Ka her a ven je Aôndo vande tindin Wanakiriki Na ye zum u A nder Un shin ku la, sha u A̱ ver ne dedoo, ka er Una gema hanmô wen sha afer a nan kera yô.

Aerenakaa A Mbaapostoli 4:12

Man shi myom ngu ken ma or ugen kpaa ga; gadia ma iti igen i i ne ior i á yima se a mi keng yô, ngi sha won kpaa ga.

Aerenakaa A Mbaapostoli 5:31

Ka Un je Aôndo kende Un sha sha uwegh Nagh ku yanegh sha u A̱ lu Orhemen man Oryiman, sha u A̱ na Iserael mgemshima man A̱ de ve asorabo kpaa ye.

Titu 2:14

u A ne iyol Na sha ci wase sha u Una paa se sha hanma ifer cii man shi Una wanger nongoior sha ci Na iyol Na, mba asema a tsee ve u eren akaa a dedoo.

Mbaheberu 7:25

Nahan yô, mba ve lu van hen Aôndo ve karen hen Na yô, Un fatyô u yiman ve been cii, gadia ngu lun uma gbem sha u Una er msen sha ci ve yô.

1 Yohane 1:7

Kpa aluer se zenden ken iwanger er Un A lu ken iwanger nahan yô, sé zua ayol a ase, man awambe a Yesu Wan Na nga wanger se sha asorabo cii.

1 Yohane 3:5

Ne fa, i pase Un sha u A̱ tôô asorabo kera; ken a Na yô, isholibo ngi ga.

Mpase U Yohane 7:14

M gema m kaa a na mer: Terem, we u fa. Tsô a kaa a mo er: Mban ka mba ve dugh ken zegecan la yô; ve ôô uriga vev ken awambe a Waniyôngo, ve kungu ve.

Mbaajiriv 13:3

Tsô Ortyom u TER ande hen kwase la, kaa a na er: Nenge, u ngu ikômkwase je, u mar ga, kpa wan you iyav, ú mar wannomso.

1 Samuel 1:20

Tsô ayange nga kar yô, Hana wa iyav, mar wannomso; a ii un iti er Samuel, a kaa er: Gadia m sôn TER un.