Marku 9:50 - ICIGHAN BIBILO

⁵⁰ Bar doo, kpa aluer bar una kera nyoho ga yô, ka sha nyi né shi né sôr unu? Lu nen a bar ken a ven je, man lu nen bem bem ayol a en.

Marku 9:50 Iomraidhean Croise

Yobu 6:6

Kwagh u a nyoho ga, á ya un á wa bar ga kpa? Shin ndera u ijikegh nahan, á bende un ken zwa á kav er a lu kpa?

Upasalmi 133:1

Nenge, aluer anmgbianev vea tema imôngo, ishima ve ia lu i môm yô, á doo yum á hôm kpaa.

Upasalmi 34:14

De ifer, eren akaa a dedoo, ker bem, zenda un ityô kpaa.

Esekiel 43:24

Va ver ve sha ishigh ki TER, upristi ve̱ haa bar sha a ve, ve̱ na TER nagh ku nanden sha mi.

Mateu 5:13

Ne mba bar u tar; kpa aluer bar una kera nyoho ga yô, ka sha nyi je á sôr unu? Una kera lu a inja sha ma kwagh je ga, á gba haan kera tsô, ior á ndyar angahar.

Marku 9:34

Kpa ve huan ving; gadia ve lu ôron kwagh sha gbenda er, ka an nan lu orvesene?

Marku 9:49

Gadia hanma or je, á sôr nan sha usu.

Mbaromanu 12:18

Aluer a fatyô yô, lu nen bem a ior cii ape kwagh wen a lu sha mi la.

2 Mbakorinte 13:11

Kwagh u a shi yô, anmgbianev, ember nen, sôr nen mbamlu enev, ungwa nen kwaghwan, lu nen ishima i môm, lu nen bem bem man Aôndo u dooshima man u bem Una lu a ven ye.

Mbagalatia 5:22

Kpa ityamegh ki Jijingi yô, ka dooshima man msaanyol man bem man ishima i wan man sar sar man mlu u dedoo man jighjigh

Mbaefese 4:29

Ma kwaghôron u dang a̱ de dugh ken zwa wen ga, saa di u doon u una fatyô u maan a maa kwagh ape kwagh a gbe sha mi yô, nahan mba vea ungwa kpaa vea zua a mrumun u sha mhôôn.

Mbafilipi 1:27

Kpa kwagh môm yô, mlu wen a̱ kuma sha Loho u Dedoo u Kristu, sha u shin mea va mea va zua ishigh a ven shin mea va ga kpaa, ma m ongo kwagh wen mer, ne tile dông, ne mba ken jijingi môm ne mba ishima i môm, ne mba nôngon imôngo sha ci u jighjigh u nan u sha Loho u Dedoo la.

Mbakolose 3:12

Nahan yô, haa nen mhôônom ma kôron tsung iyol, man shi ieren i dedoo man iyol i gengese ga, man ishima i legh legh man ishima i wan er uicuwan mba Aôndo mba ve lu uicighanmbaiorov mba doon ishima nahan.

Mbakolose 4:6

Kwaghôron wen a̱ luun u doon gbem, u i we bar shi mi yô, sha u fa nen er i doo u nea ôr kwagh a hanma or yô.

1 Mbatesalonika 5:13

Waan nen ve iko kpishi je sha dooshima sha ci u tom ve la. Lu nen bem bem ayol a en.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:22

Nahan yevese asaren a sha inja i mbayevikaior la, gema dondo perapera ityô, man jighjigh u nan man dooshima man bem a mbala mba ve yer iti i Ter sha ishima i wang la imôngo.

Mbaheberu 12:14

Nôngo nen ngegh u lun bem a ior cii shi nôngo nen sha u lun a icighanmlu kpaa, u ma or u nana ban a mi yô, nana nenge a ter ga la.

Yakobu 1:20

Gadia iyugh i or yô, ngi ve a perapera sha ishigh ki Aôndo ga.

1 Peteru 3:8

Ken masetyô yô, ne cii lu nen ishima i môm, shi lu nen mbazungwen mhôônom; doo nen ayol a en er ka anmgbianev nahan, lu nen mba mhôônom ma ker ve; shi hide nen a ayol a en ijime kpaa.