Marku 9:41 - ICIGHAN BIBILO

⁴¹ Gadia hanmô u nana na ne iyongomnger ken iti Yam er, ne̱ ma, sha ci u ne lu ior i Kristu yô, mimi je M kaan ne ne, mayange injar i nan ia saa nan je ga.

Marku 9:41 Iomraidhean Croise

Mateu 10:42

Man hanma or u nana na u môm ken mbakiriki mban iyongo i mngerem ma ndôhôr tseegh, sha ci u i lu orhenen yô, mimi je M kaa ne, injar i nan ia bunde nan je ga.

Mateu 25:40

Tsô Tor la Una gema Una kaa a ve er: Mimi je M kaan ne ne, er ne er a mô gen u ken anmgbianev Av mba hemban gban ijime mban nahan yô, ka Mo je ne er a Mo nahan ye.

Marku 4:10

Er a lu tswen yô, mba ve lu a Na kua mba pue kar uhar mbala, ve pine Un kwagh u anzaakaa la.

Mbaromanu 14:15

Aluer ka sha kwaghyan wou man ishima ia vihi anmgbian wou yô, kera ka sha dooshima u lu zenden ga. Kwaghyan u u ye la, a̱ de hingir kwagh u vihin uma u un u Kristu A kpe sha ci na la kera ga.

Mbaromanu 8:9

Kpa ne yô, ne mba ken iyol ga, ka ken jijingi ne lu ye aluer Jijingi u Aôndo tema ken a ven yô. Kpa aluer or nana lu a Jijingi u Kristu ga yô, nan ngu u Na ga.

1 Mbakorinte 15:23

Kpa hanma or nana̱ lu sha nongo u nan. Iyiagh ki tsutswagh yô, ka Kristu; kwagh u a dondon yô, ka mba ve lu ior i Kristu sha m-ande Na la,

1 Mbakorinte 3:23

Kpa ne yô, ne mba kwagh u Kristu, man Kristu gema ka u Aôndo je.

2 Mbakorinte 10:7

Aluer or nana fa dedoo er nan ngu kwagh u Kristu yô, nana̱ shi nana̱ hen kwagh ne iyol i nan nahan er, er nan lu kwagh u Kristu yô, se kpaa kape se lu la.

Mbagalatia 3:29

Aluer ne mba kwagh u Kristu yô, ne mba tsombor u Aberaham je, man ne mba mbayan dyako sha ityendezwa kpaa.

Mbagalatia 5:24

Mba ve lu mba Kristu Yesu yô, ve mande iyol a ishima i kenden kua asaren a i sha terankon imôngo ve.