Marku 9:29 - ICIGHAN BIBILO

²⁹ A kaa a ve er: Imba ne ka i dugh sha ma kwagh ugen ga, saa sha msen u eren.

Marku 9:29 Iomraidhean Croise

Daniel 9:3

Nahan m gema ishigh hen Ter Aôndo, sha u eren msen man uzamber a kwaghyan u hôron man a ikondo i tan uya man a mtwem.

Mateu 12:45

Tsô a yem a za kua a ujijingi mbagenev utaankaruhar mba ve hembe un ifer yô, ve nyôr ve tema keregh; man mlu u masetyô u or la a hemba gban kera a u hiihii la. Kape kwagh u kov u ifer ne kpaa una lu la.

Mateu 17:20

Yesu kaa a ve er: Ka sha ci u myina u jighjigh wen u nan; gadia ka mimi je M kaan ne ne, aluer nea lu a jighjigh u nan sha inja i ishange i masetadi yô, ma ne kaa a uwo ne ner: Mough heen, hire keela, kpa ma u mough; man ma kwagh u ne fatyô u eren un ga yô, una kera lu ga.

Mateu 17:21

[Kpa imba ne i gbe duen ga saa sha msen u eren man kwaghyan u hôron]

Marku 9:28

Tsô nyer ken iyou yô, mbahenen Nav pine Un ken myer er: Ka nyi man se fetyô u dughun un ga?

Marku 9:30

Ve mough heera kera, ve kar ken tar u Galilia; kpa lu Un ka or nana̱ fa ga;

Luka 11:26

Tsô a yem a za kua a ujijingi mbagenev utaankaruhar mba ve hembe un ifer yô, ve nyôr ve tema keregh man mlu u masetyô a hemba gban kera a u hiihii la.

Aerenakaa A Mbaapostoli 14:23

Zum u ve tsuwa mbatamen ve ver ve ken hanma nongo u Kristu yô, ve er msen a kwaghyan u hôron man ve wa ve sha ikev i Ter u ve na Un jighjigh la.

1 Mbakorinte 9:27

M ngu gbidyen iyol yam m ngu veren i ken kpan je, sha u i̱ de lu u m ôr mbagenev kwaghaôndo kera man mo iyol yam yô, m̱ gema m̱ yina sha ikaren ga.

2 Mbakorinte 11:27

M lu eren tom sha ican, m eren tom tsung je, m tsa per ayange imôngo, m luun ijen, imura kpaa kôron mo, ashighe agen kwaghyan lum ga, wuhe lu kôron mo, m lu idyelegh kpaa.

2 Mbakorinte 12:8

Sha kwagh ne m sôn Ter kwa tar mer, kwagh ne a̱ due ken mo kera.

2 Mbakorinte 6:5

man igbidiv, man gaadi man ayôôso a ikpelaior, man ityom i eren, man u tsan per acin imôngo, man u lun ijen acin imôngo,

Mbaefese 6:18

Eren nen msen hanma shighe ken Jijingi sha hanma msen man mzamber cii. Luun nen per sha mi sha ishima i taver man sha mzamber sha ci u uicighanmbaiorov cii,

Yakobu 5:15

Msen u sha jighjigh u nan la una yima oruange la man Ter Una mough a nan sha. Aluer nan er isholibo je kpaa, á de nan.