Marku 8:6 - ICIGHAN BIBILO

⁶ A kaa ikpelaior er, i̱ haa inya; tsô A tôô ubredi mba utaankaruhar la, sughun yô, A coon, A na mbahenen Nav er, ve̱ na ve; nahan ve gema ve na ikpelaior.

Marku 8:6 Iomraidhean Croise

Mateu 26:26

Mba ngur yan ave yô, Yesu tôô bredi A sôn iveren i dedoo sha mi, A coon, A na mbahenen, A kaa er: Ngohol nen, ya nen, ka iyol Yam je ne.

Marku 8:20

Man sha ubredi utaankaruhar la ne kura avur iv akese a me? Ve kaa er: Lu ataankarahar.

Marku 8:5

A pine ve er: Ne mba a ubredi u me? Ve kaa er: Mba utaankaruhar.

Marku 8:7

Ve lu a anishuuv ciôn kpaa. A sôn iveren i dedoo sha mi, A kaa er, ve̱ na ve kpaa.

Luka 12:37

A saan mbatomov mba ter ve una va, una va kohol ve kuran la, iyol. Mimi je, M kaan ne ne, una ta ikondo uya, una ver ve hen ijiir i kwaghyan una va due ve a iwer.

Luka 24:30

Tsô tem kwaghyan a ve yô, A tôô bredi, A sôn iveren i dedoo sha mi, A coon, A na ve.

YOHANE 2:5

Ngô Na kaa a mbaerentom mbala er: Hanma kwagh u Una kaa ne yô, er nen je.

YOHANE 6:23

Kpa utso mbagenev za va ken Tiberia ikua ikua a ijiir i ve ya bredi er Ter vande sughun Aôndo kera la.

Mbaromanu 14:6

Or u nan ver ishima sha iyange kpaa ka sha ci u Ter nan veren ishima ye, or u nan ye kpaa ka sha ci u Ter nan lu yan ye, gadia nan sughun Aôndo. Or u nan ye ga la kpaa, ka ken Ter nan ye ga ye, nan sughun Aôndo kpaa.

Mbakolose 3:17

Man hanma kwagh u ne eren cii shin a lu kwagh u ôron a ôr shin kwagh u eren a er, eren nen hanma kwagh ken iti i Ter Yesu man sughun nen Aôndo Ter sha a Na.

1 Samuel 9:13

Né nyôron ken gar yô, né kohol un, er a lu a unde ijiir i taven sha, sha u za yan kwagh ga yô; gadia ior vea gba yan ga, saa una za ve, gadia ka un a veren nagh ku sôngon doo doo man mba i lehe ve la ve masen yan ye. Yô, kôndo nen je, gadia ka hen shighen ne je né kohol un ye.