Marku 8:36 - ICIGHAN BIBILO

³⁶ Gadia aluer or a zua a tar cii, man uma u nan una gema á saa nan yô, á doo nan sha nyi?

Marku 8:36 Iomraidhean Croise

Yobu 2:4

Satan gema kaa a TER er: Kwavyolough sha kwavyolough; mimi je, hanma kwagh u or nan lu a mi cii; nana na sha ci u uma u nan.

Yobu 22:2

Or á fatyô u eren Aôndo kwagh u una lu Un a inja je kpa? Ei, orfankwagh ka nan er kwagh u injaa sha ci u nan iyol i nan.

Upasalmi 49:17

gadia shighe u nana kpe yô, nana yem a ma kwagh ga, icivir i nan kpaa ia za a nan ityô ga.

Malaki 3:14

Ne kaa ner: U civir Aôndo ka gbilinkwagh; man ka nyi mtser je i lu, er se we atindi a Na iko man se zenden sha ishigh ki TER u akum a Sha a ijungwene?

Mateu 16:26

Gadia aluer or á zua a tar cii, kpa uma u nan una gema á saa nan yô, á doo nan sha nyi? Shin ka nyi kwagh man or nana na sha u paan uma u nan sha mini?

Marku 8:35

Gadia hanma or u i sar nan ka yiman uma u nan yô, una saa nan a saa; kpa hanmô u uma u nan una saa nan sha ci Wam man Loho u Dedoo ne yô, nana yima un a yima je.

Marku 8:37

Shin ka nyi kwagh man or nana na sha u paan uma u nan sha mini?

Luka 9:25

Gadia aluer or á zua a tar cii kpa uma u nan una gema á saa nan shin una gema á vihi nan yô, á doo nan sha nyi?

Mbaromanu 6:21

Shighe la lu nyi injar ne zua a mini? Lu akaa a kunya u ker ne sha mi hegen ne. Man mkur u akaa angara yô, ka ku je.