Marku 8:34 - ICIGHAN BIBILO

³⁴ A yila ikpelaior man mbahenen Nav her a Na, A kaa a ve er: Aluer anti or a sar nan pe van a Mo ityô yô, nana̱ nyiman iyol i nan, nana̱ tôô terankon u nan nana̱ dondo sha a Mo.

Marku 8:34 Iomraidhean Croise

1 Utor 14:8

M tsuwe tor hen ya u Davidi, M na u; nahan kpaa u lu er wanakiriki Wam Davidi ga, u a wa iko sha atindi a Am, a dondom a ishima na cii, lu eren kwagh u a lu vough tseegh sha ashe Am yô;

Numeri 14:24

kpa wanakiriki Wam Kalebu, er un yô, jijingi na a lu kposo man a dondom jighilii kpaa yô, ka un Me nyôr a na ken tar u a ze la ye; tsombor na kpaa ua ya u.

Mateu 10:38

man u nan tee terankon u nan, nan dondon sha a Mo ga yô, nan kumam ga.

Mateu 16:24

Tsô Yesu kaa a mbahenen Nav er: Aluer anti or a sar nan pe van a mo ityô yô, nana̱ nyiman iyol i nan, nana̱ tôô terankon u nan, nana̱ dondo sha a Mo.

Mateu 27:32

Mba ngur duen yô, ve kohol orgen u ken Shirene, iti na er Shimon; ve kighir un er a̱ tôô terankon Na.

Marku 10:21

Yesu gem kenger un yô, a doo Un ishima, a kaa a na er: Kwagh shi u môm tsô; za, za tôô akaa a u lu a mi la cii, tee, na mbaatsanev, nahan wea lu a kwagh u injaa Sha; yô, va dondo sha a Mo.

Marku 7:14

A shi A yila ikpelaior her a Na, A kaa a ve er: Ver nen ato sha a Mo, ne cii, shi kav nen kpaa:

Luka 13:24

Nôngo nyôr nen hen hunda u hogholoo, gadia M kaan ne ne, ior kpishi vea nôngo u nyôron, kpa vea fatyô ga.

Luka 14:33

Ka nahan man hanmô wen u nan undu inyarev mbi nan cii ga yô, nana fatyô u lun orhenen Wam ga.

Luka 18:22

Er Yesu ungwa nahan yô, A kaa a na er: Kpa kwagh shi u môm tsô: Tôô akaa a u lu a mi la cii tee, na mbaatsanev nahan wea lu a kwagh u injaa Sha yô, va, va dondo sha a Mo.

Luka 20:45

Er ior ca ca lu ungwan ato nahan, A kaa a mbahenen er:

Luka 9:23

A kaa a ve cii er: Aluer anti or a sar nan pe van a Mo ityô yô, nana̱ nyiman iyol i nan, nana̱ tôô terankon u nan ayange ayange, nana̱ dondo sha a Mo.

YOHANE 10:27

Iyôngo Yam ngi ongo imo Yam, Mo kpaa M fa i, ngi dondon sha a Mo kpaa.

YOHANE 19:17

Nahan ve kôr Yesu, ve yem a Na. Man er A tôô terankon iyol Na yô, A due A za hen ijiir i i yilan er ijiir i igbôndotyou la, man ken zwa u Heberu yô, er Golgota.

Aerenakaa A Mbaapostoli 14:22

Ve lu taver mbahenen asema, nyôôso ve asema er ve̱ var ken jighjigh u nan, man shi er: Ka sha atsan kpishi keng je man sé nyôr ken tartor u Aôndo ye.

Mbaromanu 6:6

Kwagh ne se fa un, i mande tseor wase a Na imôngo sha terankon sha u i̱ kar a iyol i isholibo kera, se se̱ de kera luun ikpan sha ikev i isholibo ga.

Mbaromanu 8:17

Aluer se mba ônov yô, se mba mbayandyako kpaa, ka mbayandyako u Aôndo man mbayandyako a Kristu imôngo kpaa, aluer sea ya ican a na imôngo sha u shi á na se iengem a Na imôngo kpaa yô.

1 Mbakorinte 15:31

Mimi je, sha ihagh i m te sha a ven ken Kristu Yesu Ter wase ne, anmgbianev, m ngu kpen ayange ayange.

1 Mbakorinte 8:13

Nahan yô, aluer kwaghyan una hingir ityôkwagh i nan anmgbian wam gbev mbu nôngon yô, mayange me kera ya inyam ga, sha u i̱ de ne anmgbian wam gbev mbu nôngon ga yô.

1 Mbakorinte 9:19

Shin er m lu uikangen hen ma or ga nahan kpaa, m gema iyol yam m hingir kpan u ior cii sha u me hemba kôron ior yô.

Mbagalatia 2:20

I mandem sha terankon a Kristu imôngo; m kera ngu uma ga, kpa Kristu ngu uma ken mo. Man uma u m lu uma ken iyol hegen ne yô; ka sha jighjigh u nan ken Wan u Aôndo u m doo Un ishima man A gem A ne iyol Na sha ci wam la, man m lu uma ye.

Mbagalatia 5:24

Mba ve lu mba Kristu Yesu yô, ve mande iyol a ishima i kenden kua asaren a i sha terankon imôngo ve.

Mbagalatia 6:14

Kpa mo yô, me ta ihagh je ga, saa di sha terankon u Ter wase Yesu Kristu, ka sha u je man i mandem tar, mo kpaa i mandem sha terankon sha kwagh u taregh ye.

Mbafilipi 3:10

sha u ma m fe Un man agee a mnder Na u shin ku, man mzough u zuan a Na sha atsan a Na man u hingir kwagh môm a Na ken ku Na la,

Mbafilipi 3:7

Kpa akaa a a lum mtsera la cii, a gema hingir mo msaa sha ci u Kristu.

Mbakolose 1:24

Hegen yô, m ngu ken atsan a m lu yan sha ci wen man m ngu ivin kwagh u a shi sha atsan a Kristu la ken iyol yam, ka sha ci u iyol Na, ka nongo Na je la.

Mbakolose 3:5

Nahan yô, wua nen alegh a en a shin tar la kera, ka idya man hôngor man ityoronshima man isharen i bo man hua u eren, ka akombo a civir je la.

2 Timoteu 3:11

Gadia se ungwa mbagenev ken ven mba zenden nzughul nzughul, mba kera eren tom ga, kpa mba amber sha akaa.

Titu 2:12

Ngu tesen se er se̱ venda mwe u i wa Aôndo iko ga la man asaren a taregh kpaa, se̱ zenden tsev tsev man sha jighjigh man sha mciviraôndo kpaa ken tar u ainge ne,

Mbaheberu 13:13

Nahan se kpaa se due nen se za kohol Un ken akôngo a afoogh, iheen Na la kpaa se tôô nen i.

1 Peteru 4:1

Er Kristu A ye ican ken iyol yô, ne kpaa, kange nen ishima sha mhen ne, gadia u nan ye ican ken iyol yô, nan de isholibo ve,

1 Peteru 4:13

Kpa her ape ne nyôr nongo a Kristu ken atsan a Na yô, ember nen, sha er shighe u m-ande u iengem Na la kpaa né va ember tsung.

2 Peteru 1:14

Gadia m fa myôhôr u tenti wam una va yôhôl ne, kera shi ica ga je, er Ter wase Yesu Kristu kpaa A pasem nahan.

1 Yohane 3:16

Kwagh u se fe dooshima sha mi yô, ka un ne: A na uma Na sha ci wase, nahan se kpaa, ka u sé na uma wase sha ci u anmgbianev.

Mpase U Yohane 2:10

De cie akaa a aa va tser u la ga. Nenge diabolo ngu veren iyol u una kende ior enev mbagenev ken gaadi, sha u á kar ne yô; man ican ia er ne á kuma ayange pue je. Lu jighjigh, ar ken ku je man Me na u tsar u uma ye.