Marku 8:31 - ICIGHAN BIBILO

³¹ Tsô a hii u tesen ve er, ka u Wan u or Una ya ican sha akaa kpishi keng, mbatamen man upristi mba tamen kua mbangeren vea ta Un kera, á wua Un; ayange á karen atar yô, Una nder shin ku.

Marku 8:31 Iomraidhean Croise

Upasalmi 118:22

Iwen i mbamaan ve venda i la, ka i je, i hingir i sha zongo ye.

Yesaia 53:3

I laha Un, ior kpaa ta Un kera; lu or u yan ican, hool Un a angev kpaa, A lu er or u ior ve gem ishiv vev hen nan kera yô; i laha Un man se kpaa se wa Un iko ga.

Hosea 6:2

Er ayange á kar kera ahar yô, Una na se uma; sha iyange i atar la Una mough a vese sha, nahan sé lu uma sha ishigh Nagh.

Yona 1:17

Yô, TER vande veren zegeishu sha u a̱ mena Yona; nahan Yona tsa ken iyav mbu ishu ayange atar man aime di atar.

Mateu 12:40

Gadia er Yona lu ken iyav mbu zegeishu ayange atar man aime atar nahan, kape Wan u or kpaa Una tsa shin semanyaagh ayange atar man aime atar je la.

Mateu 21:42

Yesu kaa a ve er: Shin icighanruamabera ne, ne ôr un gaa? Er: Iwen i mbamaan ve venda i la, ka i je, i hingir i sha zongo ye, ka Ter je A er kwagh ne ye, gema ka kwagh u kpilighyol sha ashe ase.

Mateu 27:63

Ve kaa er: Tere, se umbur er Orcugh ne, er lu uma je, tsô kaa er: Ayange á kar atar, tsô Me shi Me nder.

Marku 12:10

Shin icighanruamabera ne, ne mba a ôr un gaa? er: Iwen i mbamaan venda i, ka i je, i hingir i sha zongo ye;

Luka 17:25

Kpa saa ican ia vande eren Un sha akaa kpishi keng, kov ne kpaa ua venda Un.

Luka 24:26

Kera lu u Kristu Una ya atsan ne cii keng, man Una nyôr ken icivir Na ye gaa?

Luka 24:44

A kaa a ve er: Angan ka akaaôron Am a M ôr ne je er M lu a ven imôngo la, Mer, ka u akaa a i nger sha a Mo ken atindiakaa a Mose man uprofeti man upasalmi á kure sha mi vough keng.

YOHANE 12:48

Or u nan vendem man nan rumun mkaanem Am ga yô, nan ngu a orjir, ka kwaghôron u M er ne je, ka un man una ôr nan ijir sha iyange i masetyô ye.

YOHANE 2:19

Yesu gema kaa a ve er: Yôhôl nen tempel ne kera, Mo Me maa un sha ayange atar.

Aerenakaa A Mbaapostoli 7:35

Ka Mose shon u ve venda un, ve kaan er: Ka an nan ver u orvesen man orjirighi? Ka un shon je man Aôndo tindi un sha u a̱ za lu ortaregh man oryiman sha ikev i ortyom u a ande her a na ken ageva la ye.

1 Mbakorinte 15:4

I ii Un, sha iyange i sha utar la yô, A nder er lu i nger ken icighanruamabera nahan.

1 Samuel 10:19

kpa nyian, ne venda Aôndo wen, Un u A yem ne iyol Na je, ken atsan a en cii kua uzayol enev, ne kaa a Na, ner: Ei! Na se tor. Nahan yô, va tile nen ase heen sha ishigh ki TER sha ikwe ikwe man sha udubu udubu.

1 Samuel 8:7

TER gema kaa a Samuel er: Ver ato, ungwa hanma kwagh u ior vea kaa u cii; gadia ka we ve vende ga, kpa ka Mo ve vende er M̱ de lu tor ve ga ye.