Marku 8:2 - ICIGHAN BIBILO

² Mhôônom kôrom a ikpelaior ne, gadia mba a Mo ityô ka ayange atar je ne, man mba a kwagh u vea ya ga.

Marku 8:2 Iomraidhean Croise

1 Utor 19:6

Tsô a gba yengen, man nenge, hen tiôn u sha ityough nagh la, akpekpa u i kaa sha awen a tseen lu her, kua isheghmnger kpaa. Nahan a ya, a ma, a shi a hide a yav her.

Upasalmi 103:13

er mhôônom ka ma kôr ter a ônov nahan, kape TER kpaa mhôônom ma ker Un a mba ve cie Un la.

Upasalmi 145:15

Ashe a uuma cii nga sha a We, U ne ve kwaghyan sha ashighe ashighe.

Upasalmi 145:8

TER mgbough a mrumun u sha mhôôn man mhôônom ma zungwen kpaa, ishima vihin Un fefa ga, erdoo Na ngee wuee.

Mika 7:19

Shi Una zungwe se mhôônom; Una ndyar afer a ase shin angahar man Ú haa asorabo ase cii shin aiv a zegemnger.

Mateu 14:14

Tsô Yesu dugh yô, A nenge a ikpelaior kpishi; nahan mhôônom kôr Un a ve, A bee mbauangev vev angev.

Mateu 20:34

Er mhôônom kôr Yesu a ve kpishi yô, A bende ve ave sha ashe; fese nahan ve gba nengen kera, ve dondo sha a Na.

Mateu 9:36

Man er A nenge a ikpelaior yô, mhôônom kôr Un a ve tsung, sha ci u i tumbul a ve, ve sambe wuee er iyôngo i i lu a orkuran i ga nahan.

Marku 1:41

Tsô er mhôônom kôr Un yô, A naregh uwegh, A bende un iyol, A kaa a na er: M rumun, i̱ wanger we.

Marku 5:19

Kpa A rumun nahan ga, A kaa a na er: Yem hen ya wou hen ior ou, za ôr ve akaa a vesen a Ter A er u ne, man er A zungu u mhôônom kpaa yô.

Marku 6:32

Tsô ve nyôr ken tso, ve tseegh, ve yem hen ijiir i or lu ga yô.

Marku 6:34

Er Yesu due ken tso yô, A nenge a ikpelaior kpishi, nahan mhôônom kôr Un a ve sha ci u ve lu er iyôngo i i lu a orkuran i ga yô. Tsô a hii u tesen ve akaa kpishi.

Marku 8:3

Aluer Mea na ve gbenda Mer, ve̱ yem hen uya vev ijen yô, vea vôr sha gbenda, gadia mbagenev ken a ve va ica.

Marku 9:22

Acin imôngo ka a gbihi un ken usu man shin mnger kpaa, sha u wuan un. Kpa aluer Wea fatyô u eren ma kwagh yô, zungwe se mhôônom, wase se.

Luka 15:20

Tsô a mough, a yem hen ter na. Kpa er lu ica je tsô, ter na ta ashe, za nenge a na, mhôônom kôr un kpishi, a wa ayem inya, a za kuve un, a gba susen un zwa.

Luka 7:13

Er Ter nenge a Na yô, mhôônom kôr Un a na, A kaa a na er: De vaan ga.

Mbaheberu 2:17

Nahan yô, lu u i̱ er Un A̱ lu kwagh môm a anmgbianev Nav sha akaa cii keng sha u Una hingir zegepristi u zungwen mhôônom man u jighjigh kpaa sha akaa a Aôndo, sha u Una na iwom sha ci u asorabo a ior.

Mbaheberu 4:15

Gadia se mba a zegepristi u A fetyô u zungwen a vese imôngo ken aseer a ase ga ze, kpa ka u i mee Un sha hanma gbenda cii vough er se nahan, saa di isholibo tsô A er ga ye.

Mbaheberu 5:2

A fatyô u wan ishima a mbalanenkwagh man mbatsumen gadia un iyol na kpaa, isheer kase un.