Marku 7:34 - ICIGHAN BIBILO

³⁴ Kenger sha yô, A shil ishima, A kaa a na er: Efata! Inja na yô, er: Bugh!

Marku 7:34 Iomraidhean Croise

Ekesodu 2:23

Tsô sha ayange shon a a kar kpishi la, tor u Igipiti kpe; Mbaiserael kpaa shir asema lu vaan sha ci u tom u kpan la, mliam vem ma sha tom u kpan la kôndo nyôr sha Aôndo.

Yesaia 53:3

I laha Un, ior kpaa ta Un kera; lu or u yan ican, hool Un a angev kpaa, A lu er or u ior ve gem ishiv vev hen nan kera yô; i laha Un man se kpaa se wa Un iko ga.

Marku 1:41

Tsô er mhôônom kôr Un yô, A naregh uwegh, A bende un iyol, A kaa a na er: M rumun, i̱ wanger we.

Marku 15:34

Tsô sha ahwa atar atetan la, Yesu yila sha imo i taver genger genger er: Eloi, Eloi, Lama Sabatani! Inja na yô, er: Aôndo Wam, Aôndo Wam, ka nyi U undumu?

Marku 5:41

Ker wankwase sha uwe yô, A kaa a na er: Talita kumi! Inja na yô er: Wankwase, M ngu kaan we Mer, mough sha!.

Marku 6:41

Tsô A tôô ubredi utaan, man ishu ihiar la, kenden ashe sha yô, A sugh, A coon, a na mbahenen er ve̱ gema ve̱ na mbala. Ishu ihiar la kpaa, A kar ve i cii.

Marku 7:35

Tsô ato na bugh, fese nahan kwagh u a kange un nombor la kpaa sagh kera, a ôr kwagh dedoo.

Marku 8:12

Tsô A shil ishima ken vanger taveraa, A kaa er: Ka nyi man kov ne u keren ivande nahana? Mimi je M kaan ne ne: Á na kov ne ivande je ga.

Luka 18:42

Yesu kaa a na er: Gba nengen kera tsô. Jighjigh wou u nan war u ve.

Luka 19:41

Tsô za mgbôghom, nengen a gar yô, A vaa sha ci na.

Luka 7:14

Tsô A kporom, A bende gambe la. Mbatôôn mbala tile; tsô A kaa er: Wanyekwaor, M ngu kaan a̱ we Mer Mough sha!

YOHANE 11:33

Tsô Yesu nengen un vaan, shi Mbayuda mba ve va a na kpaa lu vaan, nahan sôô Un ken ishima, ishima ta Un kwe kpaa.

YOHANE 11:35

Yesu vaa.

YOHANE 11:38

Er i shi i sôô Yesu ken ishima nahan yô, A va hen uwar, lu bar u iwen, shi iwen igen cir sha mi.

YOHANE 11:41

Tsô ve tôô iwen la kera. Yesu kende ashe sha kaa er: Tere, M sugh U er U ongom yô;

YOHANE 11:43

Er akaa ne nahan yô, A yila genger genger er: Lasaru, due ken won!

YOHANE 17:1

Zum u Yesu ôr akaa ne kera yô, A kende ashe Sha, a kaa er: Tere, shighe kuma, na Wan Wou icivir, sha er Wan Wou kpaa A̱ na U icivir yô,

Aerenakaa A Mbaapostoli 9:34

Peteru kaa a na er: Enia, Yesu Kristu ngu been we angev, mough sha, sôr gambe wou. Fese nahan a kighir, a mough sha.

Aerenakaa A Mbaapostoli 9:40

Kpa Peteru due a ve kera cii, a gure inya, a er msen; tsô a gema ashe hen ikom la, a kaa er: Tabita, mough sha! A bugh ashe; nengen a Peteru yô, a mough, a tema sha.

Mbaheberu 4:15

Gadia se mba a zegepristi u A fetyô u zungwen a vese imôngo ken aseer a ase ga ze, kpa ka u i mee Un sha hanma gbenda cii vough er se nahan, saa di isholibo tsô A er ga ye.