Marku 7:21 - ICIGHAN BIBILO

²¹ Gadia ka ken ateghatô ken asema a ior je akaabo a henen, man idya i eren, man iv, man iwooor,

Marku 7:21 Iomraidhean Croise

Genese 6:5

Er TER nenge isholibo i or kehe sha won, man hanma mhen u ishima i nan kpaa lu u bo tseegh gbem yô,

Genese 8:21

TER ungwa ihuma i dedoo; nahan TER kaa ken ishima Na er: Me kera wa tar ifan sha ci u or ga, gadia mhen u ishima i or ka u bo, hii sha iyev mbu nan je; man shi Me kera tsaha akaauma er M vande eren nahan ne ga.

Yobu 14:4

Kpash, kwagh u wang ma a dugh ken kwagh u a lu wang ga yô! môm tsô ngu ga.

Yobu 25:4

Nahan á er nan man or nana lu perapera sha ishigh ki Aôndo? Shin á er nan man or u kwase a mar nan, nana lu wanger wangeraa?

Upasalmi 119:36

Goom a ishima yam ken mbampase Ou, i̱ de luun sha mtsera u bo ga.

Upasalmi 14:1

Ibumeor ka nan kaa ken ishima i nan er: Aôndo ngu ga; ve er akaadang a ndôhôrshima; mô u eren dedoo nan ngu ga.

Upasalmi 14:3

Ve cii, ve hide ijime, ve hingir mbavihin cii; mô u eren dedoo nan ngu ga, môm tsô kpaa ga.

Upasalmi 53:1

Ibumeor ka nan kaa ken ishima i nan er: Aôndo ngu ga; ve er akaa a dang a ndôhôrshima kpaa; mô u eren dedoo nan ngu ga.

Upasalmi 53:3

Ve cii, ve hide ijime, ve hingir mbavihin cii, mô u eren dedoo nan ngu ga, môm tsô kpaa ga!

Anzaakaa 15:25

TER Una yôhôl ya u ormoronyol kera, kpa Una taver dyako u kwasecôghol.

Anzaakaa 4:23

Hemba kuran ishima you a akaa a u kor a cii, gadia ka ken i uma a dugh ye.

Yesaia 59:13

ka u peren atindi man u nyiman TER, man u geman kera den u dondon Aôndo wase ityô, u ôron kwagh u mkighir u sha ican man mhendan, u henen akaaôron a aiegh ken ishima man ôron a kpaa.

Yesaia 59:7

Angahar a ve nga zan ayem sha u za eren kwaghbo; mba zan fefa sha u za haan awambe a orishôôgh; mbamhen vev ka mbamhen mba ifer tsô, myôhôr kua mtim mba sha igbenda ve.

Yeremia 16:12

kpa ne yô, ne er ifer hemba uter enev; gadia nenge, hanmô wen nan zenden sha mcighir u ishima i nan i bo, je yô, ne kera ver ato her a Mo ga;

Yeremia 17:9

Ishima i wa atseregh je hemba hanma kwagh cii, i vihi je gande; ka an nana fatyô u fan i?

Yeremia 4:14

Ôô iferkwagh ken ishima you kera, we Yerusalem, sha u u̱ war. Ka hanma shighe je man mhen wou u sha ifer u a tem a we ne, una kuree?

Esekiel 38:10

Ter AÔNDO ngu kaan nahan er: Tsô sha iyange la, mbamhen vea va ken ishima you, ú hen mhen u bo;

Mateu 15:19

Gadia ka ken ishima man aferakaa a henen kua iwooor man idya man iv man mbampase mba sha aie man ityuhwanev ve dugh ye.

Mateu 9:4

Man er Yesu fa mbamhen vev yô, A kaa er: Ka nyi ne henen kwagh u bo ken asema a ene?

Marku 7:20

Nahan A kaa er: Ka kwagh u ka a due ken or je, a na nan, nan kera lu wang ga ye.

Marku 7:22

man shi ivaa i vihin sha idya, man u tômon akaa, man afer a eren a dang, man icugh, man u kôron iyol tsaha ga, man iwuhe, man angereke, man ityough ki kehen, man ibumegh ve dugh ye.

Luka 16:15

Kpaa A kaa a ve er: Ka ne mba ne ne ayol a en ishô sha ishigh ki iorov je ne, kpaa Aôndo fa asema a en; gadia kwagh u a lu ior kwagh u icivirigh yô, gema ka kwagh u ndôhôr Aôndo ishima.

Aerenakaa A Mbaapostoli 5:4

Er u lu her nahan yô, kera lu u wou gaa? Man er i tee kera nahan kpaa, inyaregh kila kera ka sha ikev you ki lu gaa? Ka nyi man u hen kwagh ne ken ishima you nahana? Yô, ka ior u er ve aie ga, kpa ka Aôndo je.

Aerenakaa A Mbaapostoli 8:22

Yô, gema ishima sha ifer you ne kera, er msen, sôn Ter, tsô alaghga á de u mhen u ken ishima you ne.

Mbaromanu 7:5

Zum u se lu uma ken iyol la yô, asaren a bo a atindi lu kpoghol a la, a lu eren tom ken alegh a ase sha u umen atam sha ci u kuugh.

Mbaromanu 7:8

Kpa isholibo gema zua a ian sha tindi, i nder mbamtôm ken mo kposo kposo. Gadia atindi aa lu ga yô, isholibo ma i lu kpenegh.

Mbakolose 3:5

Nahan yô, wua nen alegh a en a shin tar la kera, ka idya man hôngor man ityoronshima man isharen i bo man hua u eren, ka akombo a civir je la.

Titu 3:3

Gadia se kpaa, ngise se lu mbalanenkwagh se hemban ato, se tsumen, se lu ikpan i asaren man ugurgurmbaakaav atô kposo kposo, se lu zenden sha aferakaa man iwuhe i eren, mbagenev kôr se ihom shi se lu ihom ayol a ase kpaa.

Yakobu 2:4

kera ka mpav ne nyer a mi ken atô wen gaa? Man shi ne kera hingir mbaajiriv mba ve henen aferakaa gaa?