Marku 6:6 - ICIGHAN BIBILO

⁶ Kpiligh Un iyol a mban u jighjigh ve u nan.

Marku 6:6 Iomraidhean Croise

Yesaia 59:16

Shi A nenge or môm lu ga, kpiligh Un iyol er ma or u nan paase kwagh nan lu ga yô; ka sha ci u nahan man uwegh Nagh ku wase Un; perapera Na kpaa suwe Un.

Yeremia 2:11

Ikurior igen ngi i musan mbaaôndo vev mayange kpa? shin er ve lu mbaaôndo mba mimi ga nahan kpaa. Kpa ior Av ve tôô icivir ve, ve musan akaa a a fatyô u nan or ma kwagh u injaa ga la a mi.

Mateu 4:23

Tsô Yesu zende ken tar u Galilia cii, lu tesen ken ushinagoge vev, lu ôron Loho u Dedoo u tartor, lu been ior hanma injauange man shi hanma mtseenem kpaa.

Mateu 8:10

Tsô Yesu ongo nahan yô, kpiligh Un iyol, A kaa a mba ve lu van Un ijime la er: Ka mimi je M kaan ne ye, ken Mbaiserael je kpaa mayange M ngu a zua a jighjigh u nan u vesen nahan ga.

Mateu 9:35

Tsô Yesu zende ken agar a vesen kua ken angarev mba kiriki la cii, lu tesen ken ushinagoge vev, lu ôron Loho u Dedoo u tartor, lu been hanma inja i uange man i mkpeyolga kpaa.

Marku 1:39

Tsô A za, A za ôr kwaghaôndo ken ushinagoge vev ken Galilia cii, lu dughun ujijingi mba bov kpaa.

Marku 10:1

A mough keela A va ken tar u Yudia man shi yande Yordan; ikpelaior kpishi shi zua her a Na; A shi A gba tesen ve sha ieren Na.

Luka 13:22

A gba yemen zende Na, lu nyôron ken agar a vesen man angarev mba kiriki, lu tesen, veren ishigh u zan ken Yerusalem.

Luka 4:31

Tsô A va shin Kapernahum, gar u Galilia ugen, lu tesen ve sha ayange a memen.

Luka 4:44

Tsô A gba ôron kwaghaôndo ken ushinagoge mba ken Galilia.

YOHANE 9:30

Or la gema kaa a ve er: Ngun ka kwagh u kpiligh iyol je, er ne fe ape A dugh ga, nahan kpaa A bughum ashe.

Aerenakaa A Mbaapostoli 10:38

ka kwagh u Yesu Ornasareti la, u Aôndo haa Un Icighan Jijingi man agee; lu zenden, eren ityom i dedoo, waren mba diabolo eren ve ican la cii, gadia Aôndo lu a Na.