Marku 6:41 - ICIGHAN BIBILO

⁴¹ Tsô A tôô ubredi utaan, man ishu ihiar la, kenden ashe sha yô, A sugh, A coon, a na mbahenen er ve̱ gema ve̱ na mbala. Ishu ihiar la kpaa, A kar ve i cii.

Marku 6:41 Iomraidhean Croise

Mateu 14:19

A yôô er, ikpelaior i̱ haa inya sha adeghatoho. Tsô a A tôô ubredi utaan man ishu ihiar la, kenden ashe sha yô, A sugh, maa A coon ubredi mbala A na mbahenen, mbahenen gema na ikpelaior.

Mateu 15:36

A tôô ubredi mba utaankaruhar kua anishuuv mbala, sughun yô, A coon, A na mbahenen; mbahenen di gema na ikpelaior.

Mateu 26:26

Mba ngur yan ave yô, Yesu tôô bredi A sôn iveren i dedoo sha mi, A coon, A na mbahenen, A kaa er: Ngohol nen, ya nen, ka iyol Yam je ne.

Marku 14:22

Tsô mba ngur yan yô, a tôô bredi, A sôn iveren i dedoo sha mi A coon, A na ve, A kaa er: Ngohol nen, ngun ka iyol Yam je ne.

Marku 6:40

Ve tema sha nongo sha nongo, mbagenev lu iniongo akunduataan akunduataan, mbagenev akunduahargber, akunduahargber.

Marku 6:42

Ve cii ve ya, kuma ve.

Marku 7:34

Kenger sha yô, A shil ishima, A kaa a na er: Efata! Inja na yô, er: Bugh!

Marku 8:19

Er M coon ubredi utaan sha ior dubu utaan man ne kura avur la, ne iv akese a me, ne kera umbur gaa? Ve kaa a Na er: Lu pue kar ahar.

Luka 24:30

Tsô tem kwaghyan a ve yô, A tôô bredi, A sôn iveren i dedoo sha mi, A coon, A na ve.

Luka 9:16

Tsô A tôô ubredi mba utaan man ishu ihiar la, A kende ashe sha, A sôn iveren sha mi, A coon, A na mbahenen Nav, ve za na ikpelaior.

YOHANE 11:41

Tsô ve tôô iwen la kera. Yesu kende ashe sha kaa er: Tere, M sugh U er U ongom yô;

YOHANE 17:1

Zum u Yesu ôr akaa ne kera yô, A kende ashe Sha, a kaa er: Tere, shighe kuma, na Wan Wou icivir, sha er Wan Wou kpaa A̱ na U icivir yô,

YOHANE 6:11

Tsô Yesu tôô ubredi mbala, sughun Aôndo yô, A tôô A kar mba ve tema inya la; shi er a ishu nahan kpaa, i na hanma or sha ishima i nan.

YOHANE 6:23

Kpa utso mbagenev za va ken Tiberia ikua ikua a ijiir i ve ya bredi er Ter vande sughun Aôndo kera la.

Aerenakaa A Mbaapostoli 27:35

Kur heen nahan yô, a tôô bredi, a sugh Aôndo sha ishigh vegh cii, a coon a gba yan.

Mbaromanu 14:6

Or u nan ver ishima sha iyange kpaa ka sha ci u Ter nan veren ishima ye, or u nan ye kpaa ka sha ci u Ter nan lu yan ye, gadia nan sughun Aôndo. Or u nan ye ga la kpaa, ka ken Ter nan ye ga ye, nan sughun Aôndo kpaa.

1 Mbakorinte 10:31

Nahan yô, aluer nea yaan kwagh, shin nea maan kwagh shin nea eren nyityô kwagh kpaa, eren nen akaa cii sha ci u icivir i Aôndo.

Duteronomi 8:10

Ú yaan á kuma u gbing gbing, ú wuese TER, Aôndo wou, sha ci u tar u dedoo u A ne u la.

Mbakolose 3:17

Man hanma kwagh u ne eren cii shin a lu kwagh u ôron a ôr shin kwagh u eren a er, eren nen hanma kwagh ken iti i Ter Yesu man sughun nen Aôndo Ter sha a Na.

1 Samuel 9:13

Né nyôron ken gar yô, né kohol un, er a lu a unde ijiir i taven sha, sha u za yan kwagh ga yô; gadia ior vea gba yan ga, saa una za ve, gadia ka un a veren nagh ku sôngon doo doo man mba i lehe ve la ve masen yan ye. Yô, kôndo nen je, gadia ka hen shighen ne je né kohol un ye.