Marku 6:21 - ICIGHAN BIBILO

²¹ Kpa iyange igen ian due, gema lu sha iyange i umbur mmar u Herode la; a er iniongo sha ci u ashagba a na man utormbautyav mba tamen nav man akpamaior a Galilia kpaa.

Marku 6:21 Iomraidhean Croise

Genese 27:41

Nahan Isou kôr Yakob ihom sha ci u iveren i ter na ver un la; man Isou kaa ken ishima na er: Ayange a zungwen ku u terem mgbôghom ve, tsô shighe la me wua anngôm Yakob.

Genese 40:20

Tsô sha iyange i sha utar la, lu iyange i umbur mmar u Farao la, a yôr mbatomov nav cii iwer; tsô a kende orvesen u mbatoonkwaghman man orvesen u mbakaanbredi ityough sha, ken mbatomov nav mbala.

Eseter 2:18

Tsô tor er atiator a na zegeiniongo kua mbatomov nav cii, ka iniongo i Eseter je la; a na uipaven iyange i memen, shi a na iwua sha inja i tor.

Eseter 3:7

Sha uwer u hiihii, ka uwer u Nisan je la, sha inyom i sha pue kar uhar i tor Ahasueru la, ve haa Pur, ka ishor i eren je la, sha ishigh ki Haman, ayange ayange, sha uwer uwer zan zan ar sha uwer u sha pue kar uhar, ka uwer u Adar je la.

Hosea 7:5

Sha iyange i tor wase la mbatarev na ayol a ve angev sha m-oso u wain; a naregh uwegh nagh a mbanahantar imôngo.

Luka 3:1

Tsô ken inyom i sha pue kar utaan u Shisar Tiberiu lu tor, er Pontiu Pilatu lu gomna sha Yudia, Herode gema lu tor u tetera sha Galilia, man anngô na, Filibu, lu di tor u tetera sha Ituria man sha tar u Terakoniti, man Lisania kpaa lu di tor u tetera sha Abilene,

Aerenakaa A Mbaapostoli 25:23

Nahan kper nan gen yô, Agripa za va vea Berenishi a ikav mbi torov iyol gemee, ve nyôr ken iyoujir a utormbautyav mba tamen man ashagbaior a hen gar la; tsô i va a Paulu sha imo i Fesetu.

1 Peteru 4:3

Gadia ayange a a kar la zum u i lu eren er atôatyev a eren nahan la, kuma ve, er ve lu zenden ken ijimba i eren man asaren a bo man msôrom ma hunden man iniongo i gbilinigh man mbamkohol mba man msôrom man shi kwaghsôron u dang kpaa.

Mpase U Yohane 11:10

mba ve tem sha tar cii vea ember sha ci u kwagh u a er ve la, á saan ve iyol, vea tindi uiwua hen ayol a ve, sha ci u uprofeti mba uhar mban ve er mba shin tar ican yum yô.