Marku 6:11 - ICIGHAN BIBILO

¹¹ Hanma ijiir i i rumun ne her ga, shin i ver ato sha kwagh wen kpaa ga yô, mough nen heregh kera, kure nen ihundu i shin angahar a en, i̱ hingir ve mpase.

Marku 6:11 Iomraidhean Croise

Nehemia 5:13

Shi m nduur riga wam, m kaa mer: Kape hanma or u nan er sha ityendezwa ne ga yô, Aôndo Una nduur nan ken ya u nan kua tom u nan kera ne; kape á nduur nan nana hingir aveve la. Tsô, ior cii kaa er: Amen! Shi ve wuese TER. Nahan ior er sha ityendezwa ne.

Mateu 12:36

Kpa M ngu kaan ne: Hanma kwaghôron u dang u ior ve er, á pine ve kwagh sha mi sha iyange i ijir, vea ôr je.

Marku 6:10

Man A kaa a ve er: Hanma ijiir i nea za nyôr yô, iyou i ne nyer la, lu nen her zan zan nea kar moughon hen ijiir la kera.

Luka 9:5

Man shi ape nea za nyôr man a rumun ne her ga yô, zum u nea moughon hen gar la yô, kure nen ihundu i shin angahar a en heregh, i̱ hingir ve mpase.

Aerenakaa A Mbaapostoli 18:6

Tsô er ve lu nyiman ngegh, man tuhwan a tuhwa kpaa yô, a nduur akondo na, a kaa a ve er: Awambe a en a̱ hide sha ityough yenegh; mo yô, m ngu a ishô sha kwagh ne; masen yam yemen ken atôatyev je ne.

Mbaromanu 2:16

ka sha iyange i Aôndo Una ôr akaa a myer a ken ior la ijir ken Yesu Kristu sha ivangeli yam.

Mbaromanu 2:5

Ka sha ishima you i cighir man ishima i geman ga la je u lu ombon iyugh sha ci wou iyol you sha iyange i iyugh man m-ande u ijirôron i mimi i Aôndo la ye.

2 Peteru 2:6

Man A nande agar a Sodom man Gomora a hingir mtwem, A na ve ibo, i tim ve kera, A gema ve ve hingir ikav hen mba vea va venda Aôndo la cii.

2 Peteru 2:9

Nahan mba ve civir Aôndo la Ter fa u yiman ve ken imeen, shi A fa u kuran mbaaferev zan zan á ar sha iyange i ijirigh la, sha u tsahan ve.

2 Peteru 3:7

Kpa Usha mba ve lu hegen kua tar cii, ka sha imo la i môm i môm man i ver shi i kuran ve sha ci u usu, zan zan á va kuma sha iyange i ijirigh man mtim u mba ve vende Aôndo la ye.

1 Yohane 4:17

Ka sha kwagh ne man dooshima a hingir vough ken vese ye, ka sha u ma se lu vangertiôr sha iyange i ijirigh yô. Gadia er A lu nahan yô, kape se kpaa se lu shin tar ne je ne.

Yuda 1:7

Kape Sodom man Gomora man agar a a kase ve la kpaa ve lu eren idya shi ve lu eren sha asaren a sha gbaaôndo ga je la, i tsaha ve sha usu u tsôron, ve hingir ikav i tesen.