Marku 5:36 - ICIGHAN BIBILO

³⁶ Kpa Yesu, er A ungwa kwagh u i kaa la yô, A kaa a orvesen u shinagoge la er: De cie ga, gba nan jighjigh tsô.

Marku 5:36 Iomraidhean Croise

2 Kroniku 20:20

Ve mough pepe, ve za nyôr ken desereti u Tekoa; mba ngur yemen hemen yô, Yehoshafati tile sha, kaa er: Ungwam nen, Yuda, man ne mba ne tem ken Yerusalem! Na nen TER, Aôndo wen, jighjigh, ka nahan man né tile dông ye; uprofeti Nav kpaa na nen ve jighjigh, ka nahan man á kpe ne iyol ye.

Mateu 17:20

Yesu kaa a ve er: Ka sha ci u myina u jighjigh wen u nan; gadia ka mimi je M kaan ne ne, aluer nea lu a jighjigh u nan sha inja i ishange i masetadi yô, ma ne kaa a uwo ne ner: Mough heen, hire keela, kpa ma u mough; man ma kwagh u ne fatyô u eren un ga yô, una kera lu ga.

Mateu 9:18

Ngur ôron ve kwagh ne nahan yô, nenge, orvesen ugen va gure Un inya, kaa er: Wan wam u kwase ka hegen a kpe ye, kpa va, va penda uwegh Ough sha a na, tsô una war.

Marku 5:22

Tsô u môm u ken mbavesen mba shinagoge va, iti na er Yairu, nengen a Na yô, a gba hen angahar a Na,

Marku 5:34

Nahan A kaa a na er: Wankwase, jighjigh wou u nan war u ve; yem bem bem, angev ou mbu̱ bee u.

Marku 9:23

Yesu kaa a na er: Aluer wea fatyô yô, akaa cii a kôrcio hen or u nan ne jighjigh la.

Luka 8:50

Kpa Yesu ongo nahan yô, A gema A kaa a na er: De cie ga, gba nan jighjigh tsô, á war un.

YOHANE 11:40

Yesu kaa a na er: M vande kaan we Mer: Aluer wea na jighjigh yô, u nenge icivir i Aôndo gaa?