Marku 4:31 - ICIGHAN BIBILO

³¹ Ngu er ishange i masetadi i or ka nan lôô i shin inya la yô, i hemba ndahar a asangeakaa a sha won cii;

Marku 4:31 Iomraidhean Croise

Yesaia 53:12

Nahan Me na Un kwar a ashagbaior imôngo, Una kar ishar a mbataveryol imôngo kpaa, sha ci u A gbihi uma Na ken ku je, shi i wa Un ken mbaaferev kpaa; nahan kpaa, ka Un je A tee isholibo i ior kpishi sha iyol Na, man A shi A sôn sha ci u mbaaferev kpaa ye.

Yesaia 53:2

Gadia A vese sha ishigh Nagh er zamkon nahan, man er mise u shin inya i ombor yô, lu a ma mkomashe, shin icivir i sé kenger Un ga, lu a ma dooashe u Una sar se kpaa ga.

Yesaia 60:22

U kiriki una hingir kweior, man u hemban ndahar una hingir ikurior i ageegh; Mo TER, Me er kwagh ne fefa zum u shighe á kuma yô.

Yesaia 9:7

Mseer u tarkuran kua bem vea lu a ikighir je ga, sha ikônough ki torough ki Davidi man sha tartor na kpaa, sha er á ver u dông u̱ lu taveraa sha ijirôron i vough kua sha perapera, hii hegen je zan zan gbem sha won. Gbashima u TER u akum a Sha una er kwagh ne.

Sekaria 12:8

Sha iyange la TER Una kumba mba ve tem ken Yerusalem; u nan lu seelee kpaa, sha iyange la nana hingir er Davidi nahan; ya u Davidi kpaa una hingir er Aôndo nahan, er Ortyom u TER nahan, sha ishigh vegh.

Sekaria 2:11

Akuraior kpishi aa va zua a TER sha iyange la, aa hingir ior Av, Mo kpaa Me tema ken atô wou; tsô ú fa er i lu TER u akum a Sha A tindim her a we yô.

Malaki 1:11

Gadia hii sha mdugh u iyange je zan zan ar henpe i mir yô, iti Yam kume ken akuraior; sha hanma ijiir kpaa mba nanden iti Yam nagh ku humandoon kua nagh ku ku lu wang kpaa; gadia iti Yam kume ken akuraior, kape TER u akum a Sha A kaa ne.

Marku 4:30

A shi A kaa er: Sé kar tartor u Aôndo sha nyi, shin sé kar u sha injakwagh i nyi?

Marku 4:32

nahan kpaa, ka a lôô i yô, i̱ due, i̱ vese zan zan i̱ hemba vesen a aveghem a uyia cii; i̱ samber agbaa a vesen zan zan inyon i sha i fatyô u wan aya teman sha mi ken mure u u.

Luka 17:6

Tsô Ter kaa er: Nea lu a jighjigh u nan sha inja i ishange i masetadi yô, ma ne kaa a itine i sukamino ne ner: Môgh, i môôr we shin zegemnger! Kpa ma i rumun imo yen.

Aerenakaa A Mbaapostoli 19:20

kape kwagh u Ter zahemen sha agee tsung, hemba kpaa la.

Aerenakaa A Mbaapostoli 2:41

Mba ve rumun kwaghôron na la i er ve batisema; sha iyange la i seer ior er dubu utar nahan.

Aerenakaa A Mbaapostoli 21:20

Ve kpaa er ve ungwa yô, ve civir Aôndo; ve kaa a na er: Nenge anmgbian, hen Mbayuda yô, ior mba dubu imôngo je, mba ve ne jighjigh yô, mba veren ishima sha atindiakaa tsung.

Aerenakaa A Mbaapostoli 4:4

Mba ve ungwa kwaghôron la yô, mbagenev kpishi na jighjigh, iyenge ve kuma er dubu utaan nahan.

Aerenakaa A Mbaapostoli 5:14

Mbanan Ter jighjigh kpaa ve seer a seer, ikpelaior kpishi i nomso man i ukase kpaa;

Mpase U Yohane 11:15

Ortyom u Sha u sha utaankaruhar kpaa tôngo, tsô i ungwa uzegembaamoov Sha, ve kaa er: Tartor u shin tar hingir u Ter wase man u Kristu Na ve, Una tema tor gbem sha won.