Marku 4:28 - ICIGHAN BIBILO

²⁸ gadia inya iyol i i gba nan iyiav tsô; hiihii ka ika, u dondon ka ishagher, man ken masetyô yô, ka asange a vian ken ishagher.

Marku 4:28 Iomraidhean Croise

Genese 2:9

TER Aôndo er hanma kon u doon u nengen man shi u doon u yan, u mende hen inya; man kon u uma kpaa lu her atô sule, kua kon u mfe u fan kwagh u dedoo man kwagh u bo.

Upasalmi 1:3

Nan ngu er kon u i môôr hen ukungômbamngerev, u u um sha shighe u u yô, ika i u kpaa ngi usu ga; hanma kwagh u nan eren kpaa, nana kure un vough.

Anzaakaa 4:18

Kpa gbenda u orperapera ngu er iwanger i sha use nahan, ngi seer aseer zan hemen zan zan mkende u iyange sha sha tembe la.

Orpasenkwagh 3:1

Hanma kwagh ngu a ayange na; man shighe kpaa ngu sha ci u hanma kwagh sha won:

Orpasenkwagh 3:11

A er hanma kwagh er a̱ doo ashe sha shighe na, man A shi A ver mtsôr ken asema a ve; nahan kpaa, or fatyô u timen fan tom u Aôndo A er sha hiihii je, zan zan mkur la kpaa ga.

Yesaia 61:11

Gadia er inya ka i due a akaa a menden a i man er sule kpaa ka u na akaa a i lee ken u a mende nahan, kape Ter AÔNDO Una na perapera man iwuese vea due sha ishigh ki akuraior cii la.

Hosea 6:3

Yô, sé fa nen, sé nôngo nen tsung u fan TER; mdugh Na ka u kpee je, er m-av u use nahan: Una va hen vese er ura nahan, er ka ura u masetyô u haan mngerem inya yô.

Mateu 13:26

Kpa er iyiagh mende vese, man ki hiin u maren yô, ivor i bo la kpaa gema due ken igbar.

Marku 4:27

nan yav, nan nder, tugh man tetan, man ivor la kpaa mende, i vese, kpa nan fa er i hii man i mende ga;

Marku 4:29

Man shighe u iyiagh kia via yô, fese je nan za a louji keregh, sha ci u shighe u sundan a kom yô.

Mbafilipi 1:6

M fa dedoo mer Un u A hii tom u dedoo ken a ven la Una za hemen u eren u zan zan iyange i Kristu Yesu.

Mbakolose 1:10

sha u ne̱ zende zende u u kom Ter, ne̱ doon Un ken akaa cii, ne̱ umen atam ken hanma tom u dedoo, shi ne̱ vesen ken kwaghfan u Aôndo,