Marku 4:24 - ICIGHAN BIBILO

²⁴ Nahan A kaa a ve er: Ver nen ishima sha kwagh u ne ongo ne. Sha ikaren i ne karen a mi ne, ka sha i á kar ne a mi ye, shi á seer ne sha mi kpaa.

Marku 4:24 Iomraidhean Croise

Anzaakaa 19:27

Wan wam, mem u ungwan ityesen, aluer wea gbihin akaaôron a mfe la yô.

Yesaia 55:3

Ver nen ato, va nen her a Mo; ungwa nen, uma wen u ken ishima a̱ lu uma; Me ya ikur i tsôron a ven, ka mhôônom ma zungwen ma i zungu Davidi ma bunden mayange ga la.

Yeremia 17:21

TER ngu kaan nahan er: Ver nen ishima sha ci u uma wen, de tee nen ma ikav sha iyange i memen ga, man shi de nyer nen a mi sha ihinda i Yerusalem kpaa ga.

Mateu 7:2

Gadia imbajir i ne er ne, ka i á ôr ne ye; man ikaren i ne karen a mi ne kpaa, shi ka sha i je á kar ne mi ye.

Marku 9:7

Tsô ibeenegh va gba mure sha a ve, imo kpaa due ken ibeenegh kila kaa er: Ngun ka Wan Wam u ishima ishima, ungwan nen Un!

Luka 8:18

Nahan yô, ver nen ishima sha m-ongo u ne ongo ne, gadia hanma or u nan lu a kwagh yô, ka nan man á na nan ye; man shi hanma or u nan lu a kwagh ga yô, kwagh u nan henen er nan ngu a mi la je kpaa, á ngohol un kera.

YOHANE 10:16

M ngu a iyôngo igen i i lu hen ityôr ne ga yô, i kpaa Me va a i keng, ia ungwa imo Yam; ia hingir ikum i môm man orkuran môm kpaa.

YOHANE 10:27

Iyôngo Yam ngi ongo imo Yam, Mo kpaa M fa i, ngi dondon sha a Mo kpaa.

YOHANE 5:25

Mimi mimi je M kaan ne ne, shighe ngu van, a kuma hegen, u mbakpenev vea ungwa imo i Wan u Aôndo, man mba vea ungwa i yô, vea lu uma.

Aerenakaa A Mbaapostoli 17:11

Mbala yô, hemba ior i Tesalonika inja i mimi, sha er ve rumun kwaghôron la sha gbashima shi ve lu timen ken icighanruamabera ayange ayange sha u vea nenge shin akaa la aa lu nahan yô.

2 Mbakorinte 9:6

Umbur nen kwagh ne, or u tangen iyol lôôn cuku yô, ka di cuku je nana sunda ye, kpa or u nan lee wuee yô, nana sunda di wuee je.

Mbaheberu 2:1

Nahan yô, ka u sé hemba veren ishima sha akaa a se vanden ungwan la keng sha u se̱ de kuwan karen ihongo ga yô.

1 Peteru 2:2

man atumba a man a mimi a sha kwaghôron u Aôndo la a̱ sar ne tsung er anikundanev mba forototo nahan, sha er né vese sha mi u zan ken myom yô,

1 Yohane 4:1

Ne mbadoon mo ishima, de kera gbe nan nen hanma jijingi jighjigh tsô ga, kpa kar nen ujijingi, shin ka her Aôndo ve dugh jeo? Gadia mbaprofeti mba aiev kpishi due, mba zenden sha won.