Marku 2:20 - ICIGHAN BIBILO

²⁰ Kpa ayange nga van a á tôô ve orkwasehe kera, ka hen ayange la je man vea hôr kwaghyan ye.

Marku 2:20 Iomraidhean Croise

Upasalmi 45:11

ka nahan man á sar tor a dooashe wou ye, gadia un ka teru je; gure civir un kpaa.

I Solomon 3:11

Due nen, ne ônkasev mba Shion, nenge nen tor Solomon, a tsar u sha ityou u ngô na kange un sha iyange i a er kwase la, sha iyange i iember na i ken ishima la.

Yesaia 54:5

Gadia u A gbe u la, ka nomu je la, iti Na er, TER u akum a Sha je; man Icighan u Iserael ka Orpaan wou; á yila Un er Aôndo u sha won cii.

Yesaia 62:5

Gadia er wanyekwaor ka nan er iniunkwase nahan, kape ônov ou vea ngohol we la, man er orkwasehe ka nan ember kwasehe nahan, kape Aôndo wou kpaa Una ember we la.

Sekaria 13:7

Nder, we sanker, za ta sha orkuranilev Wam, sha or u a lu ijende Yam la, kape TER u akum a Sha A kaa ne. Gbidye orkuranilev, iyôngo i̱ sambe; Me naregh uwegh sha mbakiriki.

Mateu 26:31

Tsô Yesu kaa a ve er: Hen tugh mbun, ne cii á na ne anzughul sha kwagh Wam, gadia i nger er: Me gbidye orkuranilev, ilev mbi ken ikum la mbia sambe.

Mateu 9:15

Yesu kaa a ve er: Mbayaren iniongo i kwasehe vea fatyô, u zungwen zum u orkwasehe a lu a ve imôngo laa? Kpa ayange nga van a á tôô ve orkwasehe kera; ka zum la man vea hôr kwaghyan ye.

Marku 2:19

Yesu kaa a ve er: Mbayaren iniongo i kwasehe vea fatyô u hôron kwaghyan zum u orkwasehe a lu a ve imôngo laa? Zum u ve lu a orkwasehe a ve imôngo yô, vea fatyô u hôron kwaghyan ga.

Marku 2:21

Man shi ma or ngu u nana cinge bamberikondo u he sha ikondo i tse ga, gadia kwagh u i cingi i min la una gema á pande ikondo i tse la kera, nahan ihura ia seer a seer.

Luka 17:22

Tsô A kaa a mbahenen er: Ayange nga van pe á sar ne ka ma ne nenge a iyange imôm ken ayange a Wan u or, kpa nea nenge a mi ga.

Luka 5:35

Kpa ayange nga van a á tôô ve orkwasehe kera, ka hen ayange la je man vea hôr kwaghyan ye.

YOHANE 12:8

Gadia ne mba a mbaatsanev gbem, kpa Mo yô, né kera lu a Mo her a ven gbem ga.

YOHANE 13:33

Ne mbayev Av mba kiriki, Me mase lun a ven anshighe kpeghee, né kerem, kpa er M kaa a Mbayuda Mer, hen ape Me za, ne fatyô u van ga la, kape m kaan ne hegen kpaa je ne.

YOHANE 16:28

M due hen Ter M va shin tar ne; shi Me undu tar ne, Me yem hen Ter.

YOHANE 16:7

Kpa ka mimi je M kaa ne ye Mer: Ka ne a inja u Me yem yô; gadia aluer Me yem ga yô, Orsurunshima Una va her a ven ga. Kpa aluer Me yem yô, Me tindi ne a Na.

YOHANE 17:11

Kera lun Yam shin tar ne ga, kpa mban yô, mba shin tar ne heregh; Mo yô, M ngu van hen We, Icighan Ter. Mba U nem la, kuran ve ken iti You sha u ve̱ lu kwagh môm er se nahan.

YOHANE 17:13

Kpa hegen yô, M ngu van hen we, man akaa angan M ngu ôron shin tar ne sha er vea iv a iember Yam gbing yô.

YOHANE 3:29

Or u nan lu a kwasehe yô, ka orkwasehe je la; kpa ikar u orkwasehe u a til a ongo imo na yô, ka a ember kpishi sha ci u imo i orkwasehe; nahan iember yam ne kpaa i iv ve;

Aerenakaa A Mbaapostoli 1:9

Tsô er A ôr akaa ne kera yô, i tôô Un i yem a Na sha; ve lu nengen je, ibeenegh maa ngohol Un sha ashe ve.

Aerenakaa A Mbaapostoli 14:23

Zum u ve tsuwa mbatamen ve ver ve ken hanma nongo u Kristu yô, ve er msen a kwaghyan u hôron man ve wa ve sha ikev i Ter u ve na Un jighjigh la.

Aerenakaa A Mbaapostoli 3:21

Un yô, lu u ma i ngohol Un Sha keng, zan zan ar sha ashighe a sôron akaa cii, er Aôndo vande ôron a uicighanmbaprofeti Nav mba tsuaa, ve gema ve ôr ior la.

1 Mbakorinte 7:5

De vende nen ayol a en ga, saa di alaghga né zua zwa ayol a en sha shighe u né ver yô, sha u ne ver ishima sha msen u eren yô, kpa shi zua nen sha u Satan a̱ de meen ne sha mban u kôron iyol tsaha la ga.

2 Mbakorinte 11:2

Gadia m ngu a ishima i tseen sha kwagh wen je, ka imbashima i tseen i Aôndo la, m ver ne sha ci u nom môm sha u me na ne hen Kristu er ka iniunkwase i lun wang nahan.

2 Mbakorinte 11:27

M lu eren tom sha ican, m eren tom tsung je, m tsa per ayange imôngo, m luun ijen, imura kpaa kôron mo, ashighe agen kwaghyan lum ga, wuhe lu kôron mo, m lu idyelegh kpaa.

2 Mbakorinte 6:5

man igbidiv, man gaadi man ayôôso a ikpelaior, man ityom i eren, man u tsan per acin imôngo, man u lun ijen acin imôngo,

Mpase U Yohane 19:7

Se lu nen saan saan, se ember nen, se civir nen Un, gadia ivaa i zuan i Waniyôngo kuma ve, kwase Na kpaa kohol iyol ve.

Mpase U Yohane 21:9

Tsô u môm ken mbatyomov mba Shaav mba utaankaruhar mba ve lu a agbande ataankarahar a a iv a atsan a ataankarahar a masetyô la, a va ôr kwagh a mo, a kaa er: Va heen, m̱ tese u kwasehe, ka kwase u Waniyôngo je la.