Marku 16:5 - ICIGHAN BIBILO

⁵ Mba nyer ken uwar la yô, ve nenge wanyekwaor tema ken uwegh ku yanegh, haa gôgôriga u pupuu; cier ve iyol.

Marku 16:5 Iomraidhean Croise

Daniel 10:12

Tsô a kaa a mo er: De kera cie ga, Daniel; gadia hii sha iyange i u hii veren ishima sha u kaven man u hiden a iyol you ijime sha ishigh ki Aôndo wou la je, i ungwa kwaghôron wou, man m va ka sha kwaghôron wou la.

Daniel 8:17

Nahan a va hen ape m tile; er a va yô, cier mo iyol, m gure m kuma ityough inya; kpa a kaa a mo er: Kav, wan u or, gadia mpase u sha mnenge ne ka kwagh u sha shighe u mkur.

Mateu 28:3

Mluashe na lu er ka inyiar nahan, akondo a na kpaa kungu segh segh er awombo nahan.

Marku 1:27

Cier ve iyol cii; tsô ve gba pinen ayol a ve, kaan er: Ka nyi nee? Ka nyi ityesen i he nee? Ujijingi mba hôngorough kpaa A wa ve kwagh sha utaha je, ve ungwa imo Na kpaa.

Marku 14:33

Tsô A mough a Peteru man Yakobu man Yohane, gba cier Un iyol kpishi, lu yan ican ken ishima kpaa.

Marku 16:4

Mba kenden ashe yô, ve nenge i vande menger iwen la kera ve, gadia i gba ikôl tsô.

Marku 9:15

Ikpelaior la cii, mba nengen a Na yô, kpiligh ve iyol kpishi, ve hembe ayem, ve za sugh Un.

Luka 1:12

Sekaria nengen a na yô, ishima ta un kwe, mciem gba un iyol kpaa.

YOHANE 20:8

Tsô orhenen ugen u vande van hen uwar la, kpaa nyôr; nengen nahan yô, a na jighjigh je.